لژنه‌یا یاسای ل جڤاتا نوونه‌رێن ئیراقێ راگه‌هاند؛ هنده‌ك په‌رله‌مانتار هه‌نه تا نها پشكداری یه‌ك كۆمبوونێ ژی نه‌بووینه و سه‌رۆكاتییا په‌رله‌مانێ بێ هه‌لوه‌سته.
به‌هار مه‌حمود، ئه‌نداما لژنه‌یا یاسای بۆ مه‌دیایێن ئیراقی راگه‌هاندییه؛ ل گۆر په‌یره‌وێ ناڤخۆ یێ جڤاتا نوونه‌ران، هه‌ر ئه‌ندامه‌ك د 3 یان 5 كۆمبوونێن ل دویڤ ئێك ئاماده نه‌بیت، دڤێت ژ كورسییا په‌رله‌مانی بهێت دورخستن و مافێ په‌رله‌مانتاریێ نامینیت، لێ هنده‌ك په‌رله‌مانتار هه‌نه تا نها پشكدار یه‌ك كۆمبوونێ ژی نه‌بووینه و سه‌رۆكاتییا په‌رله‌مانێ ژی بێ هه‌لوه‌سته و چ رێكار نه‌گرتینه به‌ر.
وێ ئه‌نداما لژنه‌یا یاسای داخواز ژ سه‌رۆكاتییا په‌رله‌مانێ كر، رێكارێن یاسای و ده‌ستووری ل دژی وان په‌رله‌مانتاران بجهبینیت ژبه‌ر كو سه‌لماندینه ئه‌و نه ژ هه‌ژی په‌رله‌مانتاریێ نه.
