وه‌زاره‌تا ساخله‌مییا حكومه‌تا هه‌رێما كوردستانێ ل دۆر حاله‌ته‌كا گومانلێكری یا تووشبوونێ ب كۆرۆنایا نوو ل دهۆكێ راگه‌هاند: پشتى پشكنین بۆ وى هاتینه كرن، ئه‌و گومانلێكرى هه‌لگرێ ڤایرۆسێ نوو یێ كۆرۆنایێ نه‌بوو.
پێشتر كه‌سه‌كێ خه‌لكی دهۆكێ ژ بریتانیا ڤه‌گه‌ریا بوو، گومان هه‌بوو هه‌لگرێ كۆرۆنیا نوو بیت، لێ ل پێنچشه‌مبییا بۆرى د. ئه‌فراسیاب موسا رێڤه‌به‌رێ گشتیێ ساخله‌مییا دهۆكێ بۆ خانى نیوز پشت راسكربوو كو ئه‌نجامێن پشكنینێن وى كه‌سێ كو ژ بریتانیا ڤه‌گه‌ریایه ده‌ركه‌فتینه و ئه‌و پشت راستبووینه كو تووشێ كۆرۆنایا نوو نه‌بوویه.
ئه‌ڤرۆ ژى د. ئاسۆ حەوێزی په‌یڤدارێ وه‌زاره‌تا ساخله‌مییا حكومه‌تا هه‌رێما كوردستانێ د راگه‌هاندنه‌كێ دووپاتكریه كو ب خۆشحالیڤه ئه‌و گومانلێكریێ دهۆكێ هه‌لگرێ كۆرۆنایا نوو نینه و نوكه ساخه‌له‌مییا وى گه‌له‌كێ باشه و چاكبوویه و ڤه‌گه‌ریایه‌ڤه مال.
