ڕێڤهبهرییا گشتییا حهج و عومرهیا ههرێما كوردستانێ ڕاگههاند، دهمهكه ل تۆرێن جڤاكى و ژلایێ خهلكهكیڤه ب ناڤێ كۆمپانییێن حهج و عومرێ، یان ب ناڤێ تاكهكهسى بانگهشهیا حهجا بازرگانى دهێتهكرن و وهسا دیاردكهن چ ئاستهنگ دڤێ حهجێدا نینن.
ئاماژه ب هندێ دا، ئهڤ حهجه ژلایێ سعوودییێڤه یا قهدهغهكرییه و ڕێپێداى نینه بۆ ئهداكرنا حهجێ، ههر كهسهكێ بهێته دهستهسهركرن، دێ ل دووڤ ڕێنمایێن وهزارهتا حهج و عومرێ سزایێن تۆند بۆ هێنه دهركرن. ههروهسا دیاركر ئهو وهلاتییان ئاگههداردكهن، ڕێڤهبهرییا گشتییا حهج و عومرێ ژ ڤێ جۆرێ چوونا حهجێ یا بهرپرس نینه، ههر كهسێ ل سعوودییێ تووشى ئاریشهیێن ڤیزهیێ بیت، ڕێڤهبهرییا وان ب چ شێوهیان بهرپرسیارهتییێ ههلناگریت.
ڕاگههاند ژى، ئهو هوشدارییێ د دهنه ههر كۆمپانى و كهسهكى، ئهگهر مۆلهت ژ ڕێڤهبهرییا گشتییا حهج و عومرهیا ههرێما كوردستانێ وهرگرتبیت و بانگهشهیا ڤى جۆرێ حهجێ بكهن، دێ لێكۆلینێن قانوونى دگهلدا هێنهكرن، دبیت مۆلهتا كاركرنێ دبیاڤێ حهج و عومرێ ل ههرێما كوردستانێ و عیراقێ ژى ژێ بهێته وهرگرتن.
