ئاژانسا خانی:
په‌یڤدارێ دەستەیا گەشتوگوزارێ ل هه‌رێما كوردستانێ دیار كر: ئه‌م پێشبینی دكه‌ین بۆ جەژنا ڕەمەزانێ هژماره‌كا زۆرا گه‌شتییاران بهێنه هه‌رێما کوردستانێ د نوكه دا جهێن گه‌شتییاری ژی به‌رهه‌ڤی بۆ هاتنا گه‌شتییارن كرینه.
ئیبراھیم عەبدولمەجید، زێده‌تر دبێژیت: به‌رهه‌ڤی بۆ هاتنا گەشتییاران بۆ رۆژێن جه‌ژنێ دەستپێکرینە و دەستەیا گەشتوگوزارێ ب ھاریکاری و ھەماھەنگییا زالگه‌هێن ھەرێما کوردستانێ به‌رهه‌ڤی کرینە بۆ هندێ پێشوازییێ ل وان گەشتیاران بکەن” یێن كو بۆ جەژنا ڕەمەزانا پیرۆز دهێنه ھەرێمی کوردستانێ.
ناڤهاتی گۆت ژی: ئه‌م پێشبینییا ھاتنا هژمارەكا زۆرا گەشتییاران دکەین، ب تایبەتی ژ ده‌ڤه‌رێن باشوور و ناڤەراستا عێراقێ بۆ ھەرێما کوردستانێ، مه به‌رهه‌ڤی كرینه بۆ هندێ پێشوازییێ ل هژماره‌كا زۆرا گەشتییاران بکەین و بۆ جەژنێ ژی گه‌له‌ك گەشتییار دێ هێنه ھەرێمی کوردستانێ” دەستەیا گەشتوگوزارێ پلان ھەیە سال بۆ سالێ هژمارا گەشتییاران زێده بکه‌ت و لدووڤ وێ پلانا لبەردەست هه‌تا سالا 2030 ێ هژمارا ئەوان گەشتییارێن دهێنه ھەرێما کوردستانێ بگەهینینه ٢٠ ملیۆن گەشتیاران د ساله‌كێ دا.
