لژنه‌یا ره‌وشه‌نبیری و كۆمه‌لگه‌ها مه‌ده‌نی و وه‌رزش و لاوان ل په‌رله‌مانێ كوردستانێ كار بۆ هه‌مواركرنا یاسایا تایبه‌ت ب كارێ رۆژنامه‌گه‌ریێ دكه‌ت.
موحسن دۆسكی، ئه‌ندامێ لژنه‌یا ره‌وشه‌نبیری و كۆمه‌لگه‌ها مه‌ده‌نی ل په‌رله‌مانێ كوردستانێ بۆ خانی نیوز راگه‌هاند؛ كوردستانێ پێدڤی ب یاسایه‌كا تایبه‌ت ب مه‌دیا دیتنێ هه‌یه و یاسایا ژماره 35 یا تاوانێن ئه‌لیكترۆنی ل په‌رله‌مانێ یا باشه لێ ته‌نێ د ده‌رهه‌قا رۆژنامه‌گه‌ریا نڤیسكی دا لێ لقێن دی یێن به‌رفره‌هـ یێن راگه‌هاندنێ بخوه‌ڤه ناگریت و بۆشای یا یاسای هه‌یه ژ به‌ركو ئه‌و كه‌سێن ژ به‌ر كه‌یسێن رۆژنامه‌ڤانی دهێن ده‌سته‌سه‌ركرن هه‌موو ل گۆر یاسایێن كه‌ڤنن.
موحسن دۆسكی گۆت ژی: نها د گه‌ل سه‌ندیكا رۆژنامه‌ڤانان د دانوستاندنان دانه بۆ هه‌مواركرنا یاسایا هه‌ژماره 35 و تا نها سێ كۆمبوون ل دۆر وی بابه‌تی كرینه و ل گۆر پێشبینی یێن وان، پێدڤییه جڤاته‌كا بلند یا مه‌دیای و تۆره‌كا نشتیمانی تایبه‌ت یا سه‌ر ب حكومه‌تێ ڤه هه‌بیت ببیته ژێده‌ره‌ك بۆ نووچه‌یێن راست و ده‌رزگه‌هێن مه‌دیای ژ بن سیبه‌رێن حزبان ده‌ربێخیت هه‌روه‌سا پێدڤییه په‌رله‌مان یاسایه‌كا تایبه‌ت ب راگه‌هاندنێ ده‌ربكه‌ت.
ل گۆر ئه‌نجامان خویا ژی كر، بزاڤێن وان د گه‌ل سه‌ندیكا رۆژنامه‌ڤانان د به‌رده‌وامن بۆ دروستكرنا پرۆژه‌یاسایه‌كا تایبه‌ت ب راگه‌هاندنێ یان هه‌مواركرنا یاسایا ژماره 35 دا كو ئێدی بێرێزی ژی ل هه‌مبه‌ر سمبول و پیرۆزییان ژی نه‌هێت كرن و ل نزیك دێ ئه‌نجامێن باش بۆ دانوستاندنێن وان هه‌بن و گۆت: ئه‌و یه‌كه ئه‌ركێ حكومه‌تێ یه نه‌ك په‌رله‌مانێ.
