(ئیسماعیل مستهفا) بهرپرسێ راگههاندنا سهرۆكاتییا باژێرڤانییا دهۆكێ بۆ خانى نیوز راگههاند: لێژنا سهرۆكاتییا باژێرڤانییا دهۆكێ ب ههماههنگى ل گهل كۆمپانیا ئهرتووش یا كاروبارێن پاقژیێ دگهل لێژنهیێن باژێرڤانیێن رۆژئاڤا و رۆژههلات د ههولدانه ئهو جهێن ل دهمێ بارانێ ئاریشه ل سهر ههین بهێنه چارهسهركرن، ئهو ژى ب رێكا ڤهكرنا مههۆل و پاقژكرنێ.
ناڤهاتى گۆت ژى: ژبهركو رووبارێ هشكهروو جهێ مهترسیێ یه ب تایبهت بۆ وان مالێن كو جهێ وان یێ نزمه و دكهڤنه نزیكى رووبارى، ژ بهر ڤێ چهندێ ژى باژێرڤانیێ دوو پرۆژه ل وێرێ ئهنجامداینه، ئهو ژى دروستكرنا دیوارێن پالپشتن ژ بۆ رێگریكرن ژ لههییان.
بهرپرسێ راگههاندنا سهرۆكاتییا باژێرڤانییا دهۆكێ گۆت ژى: تیمێن وان د ئامادهنه و بهربلاڤن بۆ ههر رویدانهكێ، ههروهسا ل دهمێ باران و لههییان دوو رێڤهبهریێن دى وهكو تیمهكێ دگههنه ئێك، ئهو ژى بهرگرییا شارستانى و رێڤهبهریا سۆلینایه ل دهۆكێ و ههموو وهكو ئێك تیم كاردكهن داكو بشێن مهترسییا سهر وهلاتییان ب زووترین دهم كێم بكهن و نههێلن.
بهرپرسێ راگههاندنا سهرۆكاتییا باژێرڤانییا دهۆكێ گۆت ژى: نه ب تنێ ل دمێ لههییان، بهلكو ل دهمێ باران و بهفرێ ژى ئهڤ تیمه د ئامادهنه ژ بۆ ڤهكرنا ههر رێكهكا كو ئاستهنگ تێدا دروست دبیت.
خانى نیوز، چنار ئهحمهد
