<h3></h3> <h3></h3> <h3>ئهڤڕۆ چارشەمبی 24ی نیسانا 2024 ێ، ب سەرپەرشتییا سەرۆک وەزیران مەسرور بارزانی، جڤاتا وەزیرێن حکومەتا هەرێما کوردستانێ کۆمبوو.</h3> <h3>ل دەستپێکا وێ کۆمبوونێ، سەرۆک وەزیران دیار كر: ئەڤرۆ ب ڕێزڤه بیرهوهرییا پێنجی سالییا شەهیدێن بۆمبارانکرنا قەڵادزێ و قوتابییێن زانکۆیا سلێمانییێ ل سالا 1974 ێ" گولهبارانکرنا خۆنیشاندانێن ئەوی باژێری ل سالا 1982 ێ دکەین کو ب سایا خوین و قوربانیدانا شەهیدێن مه ئەڤ دەسکەفتێن نوكه بدەستڤه هاتینه و سەرۆک وەزیران، دوپاتی کرییه کو هەردهم خەبات و قوربانیدانا شەهیدێن مه ل بیرا مهنه.</h3> <h3>پاشی سەرۆک وەزیران کورتییهك دەربارەیی سەرهدانا سەرۆک کۆمارێ تورکیا رەجەب تەیب ئەردۆغانی بۆ بەغدا و هەولێرێ بهرچاڤكر و گۆت" كو سەرهدانهكا گرنگ بوو" دێ کاریگەری ل سەر پێشخستن و پێشڤهبرنا پەیوەندییێن دولایەنی ههبیت.</h3> <h3>د بڕگا ئێكێ یا وێ کۆمبوونێ دا، ئاوات شێخ جەناب، وەزیرێ دارایی و ئابووری، ڕاپۆرتهك دهربارەیی پێنگاڤێن وەزارەتا دارایی بهرچاڤكرن بۆ مووچەیێ ههیڤا نیسانێ کو چەند ڕۆژان بهری نوكه، ب فەرمی لیستێن هووربینكری و پەسەندکری یێن مووچەخۆرێن هەرێمێ ئاراستەیی وەزارەتا داراییا عێراقێ کرینە، دهێته چاڤهرێ کرن ههڤشێوەیێ ههیڤا بوری، ل گەل مووچەیێ دهڤهرێن دیترێن عێراقێ بهێته هنارتن.</h3> <h3></h3>
