ئاژانسا خانی:
رێڤه‌به‌رێ كۆچ و كوچبه‌ران و به‌رسڤدانا قەیرانان ل پارێزگه‌ها دھۆکێ دیار كر: هه‌موو فەرمانگەهێن په‌یوه‌ندیدار یێن حکومەتێ ل دھۆکێ دێ كه‌ڤنه د حالەتێ ئامادەباشییێ دا بۆ بەرهنگاربوونا ھەر له‌هییه‌كێ یان روودانه‌كێ” هه‌كه ڤێ ده‌ڤه‌رێ ڤه‌گریت.
پیردەیان جەعفەر، زێده‌تر بۆ ئاژانسا خانی دبێژیت: وەکو پێشبینی سه‌قاناسییێ وه‌سا دایه دیار كرن” كو سوبه‌هی و دوزبه رەوشا سه‌قایی دێ یا دژوار بیت و پێشبینی كرییه كو دێ بارانه‌‌كا ب هێز باریت، مە ژی وەکو رێڤه‌به‌رییا كۆچ و كۆچبه‌ران و به‌رسڤدانا قه‌یرانان ل دهۆكێ” ل گه‌ل چه‌ندین فەرمانگەهێن دی یێن حکومەتێ ل دهۆكێ كو ئه‌و ژی رێڤه‌به‌رییا باژێرڤانی و به‌ره‌ڤانییا باژێری و ساخله‌مییێ و پۆلیس و ئاسایشا دهۆكێ ھەموو لایەنێن پەیوەندار مه ئامادەکارییێن خۆ کرینە و ئه‌و فه‌رمانگه‌هه ھەموو دێ كه‌ڤنە د حاله‌تێ ئامادەباشییێ دا و مه گرۆپه‌ك ژی چێكرییه و هه‌كه هه‌ر روودانه‌كا نه خواستی چێببیت” ئه‌م دێ هه‌موو بزاڤان كه‌ین” كو زیان كێمتر بن.
ناڤهاتی گۆت ژی: تیمێن مه دێ هێنه به‌لاڤكرن” هه‌تا ئه‌و پێلا بارانێ ب دووماهی دهێت، د نوكه دا ئامر و ھەموو پێدڤییێن بەرهنگاربوونا له‌هییان یان دروستبوونا روودانێن سرۆشتی ل بەردەستن و مه به‌رهه‌ڤێین خۆ كرینه” هه‌ر چه‌نده ئه‌وا نوكه ھەیی ب تنێ پێشبینییا بارینا بارنه‌كا ب هێز دهێته كرن، له‌وما داخوازێ ژ وه‌لاتییان دكه‌ن خۆ پارێزن و خۆ نێزیكی وان جهان نه‌كه‌ن یێن كو مه‌ترسییا له‌هییان ل سه‌ر هه‌ین” د هه‌مان ده‌مدا مه ژووا ئۆپه‌راسیۆنا ل هه‌رێما كوردستانێ هه‌یه” ئه‌م ژی ئه‌ندامین د وێ ژوورێ دا و وان ئه‌م ئاگه‌هدار كرینه” كو ئه‌م به‌رهه‌ڤییێن خۆ بكه‌ین” مه ژی هه‌موو به‌رهه‌ڤییێن خۆ كرینه.
