سه‌رۆكێ هه‌رێما كوردستانێ دیاركر، سه‌ره‌دانا وى بۆ ته‌هرانێ سه‌ره‌دانه‌كا باش بوو، ده‌ستپێكه‌كا نوویه بۆ په‌یوه‌ندییێن هه‌رێما كوردستانێ دگه‌ل كۆمارا ئیسلامییا ئیرانێ.
نێچیرڤان بارزانى دبێژیت: ب سوپاسیڤه ژلایێ ڕابه‌رێ كۆمارییا ئیسلامییا ئیرانێ و سه‌رۆكوه‌زیران و سه‌رۆكێ په‌رله‌مانیڤه هاتنه پێشوازیكرن، كۆمبوونێن وان ب شێوه‌یه‌كێ گشتى گه‌له‌ك ب باشى هاتنه‌كرن.
هه‌روه‌س ئاشكراكر، دڤێ سه‌ره‌دانێدا ئیراده‌یه‌كا گه‌له‌ك جددى بۆ چاره‌سه‌ركرنا ئاریشه‌یان دگه‌ل ئیرانێ هاته دیتن، هه‌رێما كوردستانێ دخوازیت باشترین په‌یوه‌ندى دگه‌ل كۆمارا ئیسلامییا ئیرانێ وه‌كو جیرانه‌كا هه‌ره گرنگ هه‌بیت.
