سەرۆککۆمارێ تورکیا به‌حسێ سەره‌دانا خۆ بۆ عێراقێ و هەرێما کوردستانێ کر و راگەهاند” مه ل هەولێر راوێژێن بەرهەمدار کرینە و گۆت ژی: ل ڤان نێزیکان دێ کاریگەرییێن ئەوێ گەشتێ هێنه دیتن.
د دووماهی کۆمبوونا کابینا وەزیرێن توركیا دا، رەجەب تەیب ئەردۆغان سەرۆککۆمارێ تورکیا گوتاره‌ك پێشکێشکر و به‌حسێ سەره‌دانا خۆ بۆ عێراقێ و هەرێما کوردستانێ کر.
رەجەب تەیب ئەردۆغانی به‌حسێ سەره‌دانا خۆ بۆ عێراقێ کر و گۆت: وێ سەردانێ ژ لایێ ئەنجام و پەیامێن خۆڤه، گرنگییا مێژوویی هەبوو. ل گەل سەرۆککۆمار و سەرۆکوەزیرێن عێراقێ مه به‌حسێ تەوەرێن هه‌ڤپشك كر.
سەبارەت سەره‌دانا خۆ بۆ هەولێرێ و کۆمبوونا وی ل گەل بەرپرسێن بلندێن هەرێما کوردستانێ، ئەردۆغانی گۆت: پشتی کۆمبوونێن بەغدا، چووینە هەولێرێ و ل وێرێ مه راوێژێن زۆر بەرهەمدار و ئەرێنی و راستگۆیانە کرن.
