سەفین دزەیی، بەرپرسێ نڤێسینگەھا پەیوەندیێن دەرڤە یا حکومەتا ھەرێما کوردستانێ د کۆنگرەکێ رۆژنامەڤانی دا بەحسێ پەیوەندیێن دناڤبەرا ھەرێمێ و حکومەتا ئیراقێ دا کرن و ئاماژە ب ھندێ ژی دا کو ئاریشە دگەل بەغدا ھەنە.
سەفین دزەیی، د کونگرەکێ رۆژنامەڤانی دا راگەھاند: ئاریشە دناڤبەرا ھەڤلێر و بەدا دا ھەنە، ئێک ژ وان ناکوکیێن دروست بووین ئەوە کو کار ب دەستوری ناھێتە کرن.
گۆت ژی: ئەم یێ بزاڤان دگەل حکومەتا مستەفا کازمی دکەین کو رێگە چارەیەکێ ببینن ب تایبەتی د یاسایا بودجا سالا ٢٠٢١ێ دا کو نوکە ل پەرلەمانی خواندن بۆ دھێتە کرن، لێ ب مخابنیڤە دڤێت ئەو چەندە ژی بھێتە گۆتن کو ھەتا نوکە ل بەغدا نڤشەکێ نوو یێ سیاسەتمەداران دروست بووینه، کو ب شێوازەکێ جودا رەفتارێ دگەل ھەرێما کوردستانێ دکەن.
ئاماژە ب وێ چەندێ ژی دایە کو ئاریشەیێن ھەرێما کوردستانێ دگەل بەغدا ب تنێ ل سەر مووچەی نینه، راستە ئەو لایەنەکێ گرنگێ ژیارا خەلکییە، لێ خەلکێ کوردستانێ خودان کێشەیا خۆنە و پێدڤییە ئاراستەیا دانوستاندنان دگەل بەغدا بھێتە راستکرن، ئەڤە ژی ب تنێ ب ئێکرێزییا لایەنێن سیاسیێن ھەرێما کوردستانێ دێ ھێتە کرن
