قەلەوی، حالەتەكێ ساخلەمییێ یێ ئالۆز و ب مەترسی یە و دبیت ببیتە ئەگەرێ ژكاركەفتنا ئەندامێن لەشی ب ڕێیێن فسیۆلۆجی یێن جیاواز. مالپەرێ “Only My Health” چەند ڕێكێن سەرەكی دیاركرینە كو تێدا دبیت قەلەوی ئەندامێن لەشی ژكاربێخیت.
چەوا قەلەوی كارتێكرنێ ل سەر لەشێ مرۆڤی دكەت؟
1- سیستەمێ دل و دەمارێن خوینێ: قەلەوییێ پەیوەندییەكا بهێز ب نەخۆشییێن دلی و دەمارێن خوینێ ڤە هەیە، وەكو نەخۆشییێن هشكبوونا دەماران و ژكاركەفتنا دلی و جەلتا مێشكی. ژبەركو قەلەوی هەودانێن لەشی زێدەدكەت و ئەڤەژی دبیتە ئەگەرێ هشكبوونا زێدەتر و تەنگبوونا دەماران.
2- مێلاك: نەخۆشییا دۆهنێ مێلاكێ یا نە كحۆلی ژ ئەنجامێ قەلەوییێ یە، ڤەكۆلینێن نوژداری دیاردكەن كو قەلەوی دبیت بهێتە گوهورین بۆ نەخۆشییا دۆهنێ مێلاكێ و ژكاركەفتنا مێلاكێ.
3- گۆلچیسك: ڤەكۆلینێن نوژداری دیاركریە، كارتێكرنێن قەلەوییێ وەكو بلندبوونا پەستانا خوینێ و شەكرێ، دبنە ئەگەرێ دروستبوونا نەخۆشییێن گۆلچیسكان یێن دومدرێژ و ژكاركەفتنا وان.
4- سیستەمێ هەناسەدانێ: قەلەوی دشێت ببیتە ئەگەرێ لاوازكرنا سیستەمێ هەناسەدانێ و دروستكرنا ئاریشێن بهێنتەنگییێ و ژكاركەفتنا سیستەمێ هەناسەدانێ ب شێوەیەكێ گشتی.
5- پەنكریاس: قەلەوی ئەگەرەكێ سەرەكی یێ نەخۆشییا شەكرێ ژ جۆرێ دووێ یە كو دبیت ببیتە ئەگەرێ دروستكرنا كێشەیێن پەنكریاسێ و ژكاركەفتنا وێ، ژبەركو بلندبوونا بەردەوام یا ئاستێ گلۆكۆزی و ترشێن دۆهنی ل دەمێ قەلەوییێ دبنە ئەگەرێ ژكاركەفتنا خانێن بیتا و لاوازییا دەردانا ئەنسۆلینی.
