پێلا بەفر و بارانێ ل سەر ھەرێما کوردستانێ بەردەوامە و ل دەڤەرا بەرواری بالا نێزیکی 13 سهنتیمهترێن بەفرێ کەفتینە.
پەیامنێرێ خانی نیوز ل کانی ماسێ راگههاند؛ د 24 سەعەتێن بووری دا 14 سهنتیمەترێن بەفرێ ل سەنتەرێ کانێ ماسێ و 12 ملیمێن بارانێ بارینه و ههروهسا 13سەنتیمەتر ل دەریێ سنۆریێ سەرزێری بارینە و تا نھا بارینا بەفرێ بەردەوامە.
عبدالعزیز محهمهد تاهر، بەپرسێ هۆبا چاندێ ل کانی ماسێ بۆ خانی نیوز گۆت: ل سەنتەرێ کانی ماسێ 14 سم بەفر و 12 ملم باران بارینه و سەرچەمێ گشتی یێ بارینێ گەهشتە 268 ملم باران .
عهبدولعهزیز محهمهد ل دۆر رەوشا هاتنوچوونێ گۆت: رێکا هاتنوچوونێ ل پتریا گوندێن دەڤەرێ هاتە گرتن، تیما بەفر مالینێ یا سەر ب رێڤەبەریا رێک و پران ڤە ل کانی ماسێ ژ سپێدێ دەست ب مالینا بەفرێ ل سەر رێکێن سەرەکی کر و تیمێن باژێرڤانییا کانی ماسێ دەست ب مالینا بەفرێ کر لسەر جادێن ناڤخوهیی کرن.
ژ ئالیهكێ دی سەربەست سەبری ئاکرهی، رێڤەبەرێ ناحیا کانی ماسێ خویا كر، پرانیا رێکێن دەڤەرێ دوهی پاقژکرن و پشتی رێکێن سەرەکی ژ مالینێ ب دوماهیک تێن دێ دەست ب ڤەکرنا رێکێن گوندان کەن.
