هێزێن ئێمناهیێ یێن کۆمارا ئیسلامیا ئیرانێ، هه‌فتییا بووری، تەرانە محەمەدی، هه‌لبه‌ستڤانا خەلکێ بانە ره‌ڤاندیه و گه‌فێن برینا زمانی لێ دكه‌ن.
ل دویف راپۆرتا رێكخستنه‌كا مافێن مرۆڤی ل رۆژهلاتا کوردستانێ، هێزێن ئەمنی یێن ئێرانێ ل رۆژا دووشەمبیا بووری ل باژارێ بانە هه‌لبه‌ستڤان و نڤیسه‌را كورد، تەرانە محەمەدی ره‌ڤاندییه، ئێك ژ وان ب فارسى دگه‌ل ئاخفتییه و گه‌فێن برینا زمانى لێ كریه.
ره‌ڤاندنا وێ هه‌لبه‌ستڤانا كورد د ده‌مه‌كی دایه كو ته‌رانه د لایڤه‌كێدا دگه‌ل هه‌لبه‌ستڤانێ فارس سدیقی گوتبوو ، هه‌لبه‌سته‌كێ ب زمانێ هه‌ڤپشك ب فارسی دێ خوینم” و د به‌رسڤا هیلا سدیقیدا گوتبوو”مەره‌م ژ زمانی هه‌ڤپشك چییە،هین خو ب ئیرانى نزانن، به‌لكو خوه ب كوردستانی دبینن، تەرانه ژی د به‌رسڤا خوه دا گۆتییه:بەلێ ئه‌و خوه ب كورد دبینیت و هەروەسا پشكدارى د لایڤه‌كا هونەرمەنده‌كێ ناڤدارێ کورد نەجمەدین غولامی کربوو.
تەرانە محەمەدی ژیێ وێ ٢١ سالن و ژ دایکبوویا باژیرێ بانەیە و نوكه قوتابیه ل زانکۆیا مەهاباد و شارەزاییه‌كا باش د زمانێن کوردی، فارسی و ئینگلیزی هەیە.
