سەرۆکێ حکومەتا هەرێما کوردستان ل هاڤینگەها ئەحمەد ئاوا یا سەر ب قەزایا خۆرمال ل دیدارا ژمارەیەکا کەسایەتییێن هەلەبجە، شارەزوور و هەورامان ڕاگەهاند:”ئەم خزمەتکرنا خزمەتکرنا خەلکێ کوردستانێ ب ئەرکێ خۆ یێ سەرەکی دزانین.”
ڕۆژا 3 خزیرانا 2024، د چارچووڤەیێ سەرەدانا خۆ دا بۆ پارێزگەها هەلەبجە، ل هاڤینگەها ئەحمەد ئاوا یا سەر ب قەزا خۆرمال ڤە، مەسرور بارزانی سەرۆکێ حکومەتا هەرێما کوردستانێ، دگەل ژمارەیەکا زۆر یا کەسایەتییێن هەلەبجە، سەید سادق، پێنجوێن، هەورامان و شارەزوور کۆمبوو.
د دیدارێدا سەرۆکوەزیران مەسرور بارزانی د گۆتنەکێدا ئاماژە ب گرنگییا دەڤەرا هەورامان کر کۆ دیرۆکەکا دیار ژ خەبات و بەرخودانا گەلێ کوردستانێ هەیە و دەڤەرەکا گرنگ یا گەشتیارییە.
هەروەسا سەرۆکوەزیران مەسرور بارزانی گۆت:”ئەم خزمەتکرنا خەلکێ کوردستانێ ب ئەرکێ خۆ یێ سەرەکی دزانین و دێ هەمی بزاڤان کەین ژ پێخەمەت زێدەتر گرنگیدانێ ب ئەڤێ دەڤەرێ و پێشڤەبرنا کارنامەیا حکومەتێ د بوارێن جۆراوجۆرکرنا ئابووری و دابینکرنا دەلیڤەیێن کاری بۆ گەنجێن مە.”
