به‌رێ بنیاتی بۆ دو پرۆژان ل زاخۆ دێ هێته‌ دانان

ئاژانسا خانی:

رێڤه‌به‌رێ گشتییێ وەبەرھێنانێ ل زاخۆ دیار كر، سوبەهی بەرێ بنیاتێ دو پڕۆژێن مه‌زن ل سەر ڕووبەرێ پتری 110 دۆنه‌مێن ئه‌ردی ب كوژمێ 37 ملیۆن دۆلاران دێ هێته‌ دانان، کو پڕۆژێن گەشتیاری و بازرگانینه‌.

جگەرخوین تاھر” زێده‌تر بۆ ئاژانسا خانی دبێژیت: سوبەهی دوشه‌مبی ب ئامادەبوونا سەرۆکێ دەستەیا وەبەرھێنانێ ل ھەرێما کوردستانێ بەرێ بنیاتێ دو پڕۆژێ مه‌زن دێ هێته‌ دانان، ئەو ژی پڕۆژێ ڤییا پارکێ زاخۆ کو پڕۆژەكێ گەشتیاری و بازرگانییە ل سەر ڕووبەرێ 25 دۆنه‌مێن ئه‌ردی و كوژمێ وی پڕۆژەیی 25 ملیۆن دۆلارن و 350 دەلیڤێن كاری دێ په‌یدا كه‌ت و شانۆ پرتووكخانه‌ و سینه‌ما د ناڤدا هه‌نه‌.

ناڤهاتی گۆت ژی: ھەر سوبەهی بەرێ بنیاتێ پڕۆژێ (جەنەڕال پارکێ سیپان) دێ هێته‌ دانان ل سەر ڕووبەرێ 91 دۆنه‌مێن ئه‌ردی ب كوژمێ 12 ملیۆن دۆلاران، مۆلەتا وی پرۆژه‌یی د قووناغا دوووماهییێ دایە و ھەردو وەبەرھێنەر دێ دەست ب کار خۆ کەن، ئەوی پرۆژه‌یی ڕێکارێن پێدڤی ئەنجام داینە و دێ 200 ده‌لیڤێن کار په‌یدا كه‌ت و ماوێ پرۆژه‌یی ژی 900 رۆژن، کو ئۆتێله‌ك و 50 ڤیلایێن گەشتیاری و 26 خوارنگەھ و کافتریا و جهێن پێشبرکێ و جهێن  روونشتنێ بۆ خێزانان و هنده‌ك بركێن ئاڤێ دێ هێنه‌ دروستكرن چەند جهێن دیتر دناڤدانه‌ و ب مه‌رجه‌كی كو خێزان بێی به‌رامبه‌ر دێ چنه‌ دناڤا وان جهان دا.