ئهڤرۆ دوشەمبی، 12-08-2024 ێ، سەرخێل هاش، رێڤەبەرێ ڕاگەهاندنا دەستەیا دەستپاکییا هەرێما کوردستانێ دیار كر: ل سەر داخوازا كۆمسیۆنا بلندا هەڵبژارتنان ل عێراقێ، دەستەیا دەسپاكییێ ل 6/8/2024 ێ، دووماهی پشكا دووێ یا ناڤێن كاندیدان بۆ هەڵبژاتنێن پەرلەمانێ كوردستانێ گههشته دەستێ وان و ل سەر بنەمایێ مەرجێن خۆ بهربژێركرنێ یێن كو كۆمسیۆنێ دیار كرین” نابیت كاندید هاتبیته زیندانی كرن واتا “حوكم” كرن ل سەر ئێك ژ تاوانێن گەندەڵییێ.
ئهو ژی گۆتییه “ئەڤڕۆ 12/8/2024 ێ” دەستەیا دەسپاكییێ لیستا هوروربینییێ د لیستا دووێ یا ناڤان تەمام كرییە و ب ڤی رهنگی هووربینییا دەسپاكییێ ب دووماهی هات”.
سهرجهمێ گشتییێ ژمارا کورسییێن پەرلەمانێ کوردستانێ، 100 کورسینه؛ 95 گشتینه و پێنج ژی بۆ کۆتایان هاتینه تەرخان کرن.
ب ڤی رهنگینه:
دابەشكرنا ژمارا کورسییێن گشتی:
1. هەولێر: 32 کورسی
2. سلێمانی: 36 کورسی
3. دهۆک: 24 کورسی
4. هەڵەبجە: سێ کورسی
سهرجهمێ گشتی: 95 کورسی
دابەشکرنا ژمار کورسییێن کۆتا:
1. هەولێر: دو کورسی
2. سلێمانی: دو کورسی
3. دهۆک: ئێک کورسی
4. هەڵەبجە: سفر کورسی
سهرجهمێ گشتی: 5 کورسی
ژمارەی دەنگدەر و وێستگەهێن دەنگدان
سهرجهمێ گشتییێ ژمارا دەنگدەران بۆ هەڵبژارتنێن پەرلەمانێ کوردستانێ، دو ملیۆن و 899 هزار و 878 کەسن؛ ژ وێ هژمارێ ژی دو ملیۆن و 683 و 618 دەنگدەرێن گشتینه و 215 هزار و 960 دەنگدەرێن تایبەتن.
بۆ هەڵبژارتنێن گشتی یێن پەرلەمانێ کوردستانێ، هزار و 266 ناڤەند و شەش هزار و 318 بنگههێن دەنگدانێ هاتنیه ئامادە کرن؛ بۆ هەڵبژارتنێن تایبەت، کو هێزێن ئەمنی ڤهدگریت، 165 ناڤەند و 749 بنگههێن دەنگدانێ ل سنوورێ هەر چار پارێزگههێن هەولێر، سلێمانی، دهۆک و هەڵەبجە هاتینه ئامادە کرن.
