ئەڤرۆ وەزارەتا ساخلەمیێ یا هەرێما کوردستانێ کۆمبوونەک ل گەل رێڤەبەریا خۆپارێزی و ساخلەمیێ و نوینەرێن ساخلەمیا جیهانی کر دەربارەی بەرهەڤیێن خۆپاراستنێ ژ نەخۆشیا خوریکا مەیمینکان کو ل 25 وەلاتان بەلاڤ بوویە.
د راگه‌هاندنه‌كێ دا: وەزارەتێ دا هاتیە، پشتی دانوستاندن بریار هاتەدان سوبەهی رێکارێن خۆپارێزیێ بۆ سازیێن ساخلەمیێ بهێنە بەلاڤکرن و لژنەیەکا بلندا ساخلەمیێ ژ وەزارەتێن ساخلەمی و چاندنێ ژی دێ هێتە پێکئینان، هەروەسا دێ پەیامێن رەوشەنبیریا ساخلەمیێ و بەرهەڤی بۆ دابینکرنا تێستا پشکنینا تاقیگەهێ ل گەل رێکخراوا ساخلەمیا جیهانی هێنەکرن.
هەروەسا هاتیە، وەلاتیان ئاگەهدار دکەین کو تا نوکە چ حالەتێن خوریکا مەیمینکان نەهاتینە تۆمارکرن و چ حالەتێن گۆمانلێکری ژی نینن.
