ب سەرپەرشتییا ساسان عەونی، وەزیرێ باژێرڤانی و گەشتوگوزارێ و ب ئامادەبوونا شیرەتكاران و ڕێڤەبەرییێن گشتی ل وەزارەتا باژێرڤانییێ و هەمی ڕێڤەبەرییێن گشتی یێن باژێرڤانییان و سەرۆك باژێرڤانییان ل پارێزگەهـ و ئیدارەیێن سەربەخۆ ئەڤرۆ كۆمبوونەكا تایبەت ل دۆر ئامادەكارییێن بەلاڤكرنا پارچێن ئەردی هاتە ئەنجامدان.
وەزیرێ باژێرڤانی و گەشتوگوزارێ دووپات كر، پێدڤییە هەمی ڕێکارێن یاسایی و کارگێری ب زویترین دەم بهێنە تەمامكرن و نەخشەیێ كەرتی بۆ پارچێن ئەردی بهێنە دانان و هەر ئاریشەكا هەی ب زویترین دەم بهێتە چارەسەركرن، بۆ هندێ فەرمانبەر ب بڕیارا حکومەتا هەرێما کوردستانێ مفادار بن.
ساسان عەونی، وەزیرێ باژێرڤانییێ دیاركر، ل 10 هەیڤا 10 یا ئەڤسالە دێ كۆمبوونەكا دی هێتە ئەنجامدان و پێدڤییە هەتا وی دەمی هەمی ئامادەكاری هاتبنە تەمامكرن.
