پارێزگارێ دھۆکێ سەرەدانا مەلەبەندێ سێ یێ ئێکگرتوویا ئیسلامی ل دھۆکێ کر و ژلایێ ئەندامێ سەرکردایەتیا ئێکگرتوو و بەرپرسێ مەلبەندی و کارگێر و ئەندامێن مەلبەندی پێشوازی لێ ھاتە کرن.
د. عەلی تەتەر و سەعید عەلی عەبۆ بەحسی رەوشا پارێزگەھێ و کار و پرۆژێن خزمەتگوزاری ل دەڤەرێ و نەخۆشیا کۆرۆنایێ و کارتێکرنا وێ ل سەر ھەموو سێکتەرێن ژیانێ ب گشتی کر.
پارێزگارێ دھۆکێ دیارکر کو ئارمانج ژ سەرەدانێ ئەوە کو ئاستێ ھەڤکاری وھاریکاریێ د ناڤبەرا لایەنێن سیاسی و کارگێریا پارێزگەھێ دا پتر بھێتە خورتکرن و باشتر خزمەتا خەلکێ پارێزگەھێ بھێتە کرن.
ھەروەسا گۆت: ئەو ھەموو برانە و خەلکێ ڤی وەلاتی نە و حکومەتا کوردستانێ و پارێزگەھا دھۆکێ ل دووڤ قانوونێن گشتی و ب یەکسانی و بێ جوداھیا ئاینی و نەتەوەیی وسیاسی، خزمەتا ھەموویان ب ھەڤرا دکەت و بەرھەڤیا پارێزگەھێ بۆ ھەر ھەڤکاری و ھاریکاریەکێ نیشادا بۆ وێ یەکێ خزمەتا خەلکێ پارێزگەھێ باشتر بھێتە کرن.
ژلایێ خوڤە بەرپرسێ مەلبەندێ سێ یێ ئێکگرتویا ئیسلامی خوشحالیا خو ب سەرەدانێ دیارکر د دوپاتی ل سەر ھەڤکاری و ھاریکاریێ د ناڤبەرا ئێکگرتوویێ و سازیێن پارێزگەھا دھۆکێ کر بو وێ یەکێ باشتر خزمەتا خەلکێ پارێزگەھێ بھێتە کرن.
