به‌لاڤكرنا مووچه‌یێ هه‌یڤا حه‌فت یێ فه‌رمانبه‌ر و مووچه‌خۆرێن هه‌رێما كوردستانێ دووهى ڕوژا سێشه‌مبى ده‌ستپێكرییه، ل دهۆكێ بۆ جارا ئێكێ مووچه دێ ب ڕێیا هژمارا من دێ هێته به‌لاڤكرن.
دوو بنگه‌هێن وه‌رگرتنا پاره‌ى ل دهۆكێ هاتینه دانان، ئێك دكه‌ڤیته به‌رده‌م سه‌رۆكایه‌تییا باژێرڤانییا دهۆكێ، ئێك ژى دكه‌ڤیته جادده‌یا ئازادى به‌رده‌م نه‌خۆشخانه‌یا ژدایكبوونێ.
ل ده‌مژمێر 12:00ى نیڤرۆ مووچه دێ كه‌ڤیته هژمارا بانكییا پشكداران و كورته نامه‌یه‌ك دێ بۆ وان چیت، كو نێزیكى هزار و 500 مووچه‌خۆران ل پارێزگه‌ها دهۆكێ دێ ب ڕێیا هژمارا من مووچه‌ى وه‌رگرن.
ب شێوه‌یه‌كێ گشتى ل ڤێ هه‌یڤێ نێزیكى 120 هزار مووچه‌خۆران دێ ب ڕێیا هژمارا من مووچه‌ى وه‌رگرن، كو 103 هزار فه‌رمانبه‌رێن مه‌ده‌نى و 17 هزار پێشمه‌رگه‌نه.
