رۆنكرنه‌ك ژ وه‌زاره‌تا ناڤخۆ

وه‌زاره‌تا ناڤخۆ یا حكومه‌تا هه‌رێما كوردستانێ د راگه‌هاندنه‌كێ دا دیاركریه‌: د دیداره‌كا ته‌له‌فزیونی دا، بالیۆزێ كۆمارا ئیسلامیا ئیرانێ ل ئیراقێ تومه‌ته‌كا بێ بنه‌ما ئاراسته‌ی هه‌رێما كوردستانێ كریه‌ و جاره‌كا دی بۆردۆمانكرنا خه‌لكێ سڤیل ل هه‌ولێرێ گرێدایه‌ ب به‌رگریكرنێ ژ خوه‌ به‌رامبه‌ر ئیسرائیلێ، ئه‌م هه‌موو ڤان تومه‌تێن بێ بنه‌ما ره‌ت دكه‌ین، ژبه‌ر كو پێشتر ژی لژنه‌كا بلند ژ حكومه‌تا فیدرال سه‌ره‌دانا وان جهان یێن هاتینه‌ بۆردۆمانكرن و ئه‌و تۆمه‌ته‌ ره‌تكرینه‌ و بێ بنه‌ما ده‌رچووینه‌.