زانكۆیا دهۆك د راگههاندنهكێ دا بهرسڤا وی قوتابیێ ماستهرێ دایه یێ كو هاتیه دویر ئێخستن، دهقێ راگههاندنێ:
ئەڤرۆ رێکەڤتی (٣)ی چریا ئێکێ (٢٠٢٤)، تۆمارەکا ڤیدیۆیی د سۆشیال میدیایێ دا بەلاڤبوویه و تێدا قوتابیەکێ ماستەرێ یێ دویرئێخستی ژ ئەگەرێ پێگیرینەکرنێ ب دهوامێ و رێنماییێن وەزارەتا خواندنا بلند و ڤەکولینێن زانستی ل هەرێما کوردستانێ، ب مخابنیڤه ناڤزراندن ب زانکۆیا دهۆک و هندەک مامۆستایا کریە و هۆسا دیارکریە کو ستەم لێ هاتیە کرن و ب ستەم هاتیە دەرکرن ژ کۆرسێن خواندنا ماستەرێ. ئەم ل سەرۆکاتیا زانکۆیا دهۆک دیاردکەین کو ناڤبری رێژا ئامادەنەبوونا وی ل دوو وانا ژ رێژا یاسایی دەربازبوویە، کو (١٠٪)ـێ یە، کو وانەک بوویە (٢٨،٥٪)ێ و یا دو بوویە (٢٠٪)ێ، ههروهك دبهڵگهناما ههڤپێچكری دا دیارە.
زانکۆیا دهۆک رادگههینیتن كو زانكۆ ژ هەمی هزر و باوەر و ئایدیۆلۆژیا و پێکهاتێن ئایینی و نەتەوەیی پێکدهێت، و ئەو ڤەگێرانێن ژ لایێ وی ڤە هاتینە کرن هەڤدژن و دویرن ژ راستیێ، ژ وانا ژی وهك ئەو ب خۆ باسدکەت کو ئەو ژ سەرجەمێ ٥٠ بەربژێرا بوویە ئێک ژ پێنجێن ئێکەمین!
زانکۆیا دهۆک وان گوتنێن د وێ ڤیدویێ دا هاتینه ڤهگێران ب تمامی رهت دكهتن، و گوتنێن وی د چارچۆڤێ پرۆپاگەندا هەلبژارتنان دا قهلهم ددهتن.
سەرۆکاتیا زانکۆیا دهۆک؛
(٣)ی چریا ئێکێ (٢٠٢٤).
