د وێ کۆمبوونێ دا پرۆسا هەڵبژارتنێن خولا شەشێ یا پەرلەمانێ کوردستانێ هاتنه بهحسكرن دیار كر: “پارتی بۆ پشكداریکرنێ د پێکئینانا حکومەتێ دا ڤیتۆ ل سەر چ کەس و لایەنان نینە، ئەوا لدهف پارتى پێشینە و گرنگ دڤێ قووناغێ دا پاراستنا قەوارەىێ هەرێمێ و هەبوونا ئێک حکومەتا سەرانسەرى و پاراستنا ماف و ئازادییێن خەڵکێ کوردستانێ و خزمەتکرنا وهلاتیانە.”
ههروهسا دیاركرییه” ل گەل هەبوونا هندەک تێبینیان، پرۆسا هەلبژارتنان ب سەرکەفتیانە برێڤەچوو، گەلێ مە بەرپرسیارەتییەکا مەزنتر ئێخستە سەر ملێن مە و ئەم سۆزێ ددەین کو پێگری دروشمێن خۆ بین و بۆ پێکئینانا کابینەیا نوو یا حکومەتێ، مە ڤیتۆ ل سەر چ ئالییان نینە” یا گرنگ، پاراستنا قەوارێ هەرێما كوردستانێ و هەبوونا ئێک حکومەتا سەرانسەرییە ل كوردستانێ.
هەروهسا د وێ کۆمبوونێ دا دانوستاندن ل سەر چهندین تەوەران هاتینەکرن” هەلبژارتنێن خۆلا شەشێ، پەیوەندیێن پارتی، خواندنا راپۆرتا لژنا بلند یا سەرپەرشتییا هەلبژارتنان و پشکێن پەیوەندیدار یێن مەکتەبا سیاسی و مەکتهبێن رێکخستنێ، راگەهاندن و هەوا میدیایی، دانوستاندن ل سەر قووناغا پشتی پەسەندکرنا ئەنجامان و رێکارێن یاسایی یێن پێکئینانا حکومەتا ههرێمێ و کێشە و کێموکاسیێن وێ پرۆسەیێ، تەوەرێن وێ کۆمبوونێ بوون.
