ئەڤرۆ دوشەمبی 28 / 10/ 2024 ێ، مەسرور بارزانی، سەرۆکێ حکومەتا هەرێما کوردستانێ، پێشوازی ل ئەلیسیا ڕیکۆ پێرێز دێل پولگار، بالیۆزا نوو یا شاهنشینا ئیسپانیا ل عیراقێ کر.
سەرۆکێ حکومەتێ زێده‌باری پیرۆزباهییێ و هیڤییا سەرکەڤتنێ بۆ بالیۆزێ، سوپاسییا هاریکاری و پشته‌ڤانییا ئیسپانیا کر، د چارچوڤێ هه‌ڤپەیمانییا نێڤدەولەتییا ل دژی تیرۆریستێن داعشێ” بالیۆزا ئیسپانیا ته‌كه‌زی ل سه‌ر پێشڤه‌برنا پەیوەندییێن وه‌لاتێ خۆ ل گەل عێراقێ و هەرێما کوردستانێ د بیاڤێن جودا دا کرییه” هەروەسا پیرۆزباهی ژی ل سەرۆکێ حکومەتێ کر، ب هه‌لكه‌فتا سەرکەڤتنا هەلبژارتنێن پەرلەمانێ کوردستانێ.
گرنگییا چارەسەرکرنا کێشێن هەرێما کوردستانێ و حکومەتا فیدرالی ل سەر بنەمایێ دەستووری و ڕێزگرتن ل سیستەمێ فیدرالی و قەوارێ دەستوورییێ هەرێما کوردستانێ، پشكه‌كا دیتر یا وێ دیدارێ بوو.
