خالد رێكانی، ئه‌ندامێ جڤاتا نوونه‌رێن عیراقێ بۆ ئاژانسا خانی ڕاگەهاند، بڕیارە سوباهی دەمژمێر ئێكێ نیڤرۆ جڤاتا نوونەرێن عیراقێ ل سەر چەند پرۆژەیاسایا كۆمبیت.
هەروەسا دیاركر، بڕیارە دەنگ ل سەر چەند بابەتان بهێتە دان؛ ژوان ژی، پرۆژەیاسایا لێبورینا گشتی، پرۆژەیاسایا هەمواری یا یاسایا بارێ کەسی یا سالا 1959 و پرۆژەیاسایا هەلوەشاندنا بڕیارێن ڕژێما بەعس و ڤەگەڕاندنا مولكێ داگیركری بۆ خودانێن وان و پرۆژەیاسایا خزمەتێ و خانەنشینییا حەشدا شەعب.
دهێتە زانین، كو دوهی ڕۆژا ئێكشەمبی جڤاتا نوونەرێن عیراقێ كۆمبوو، بەلێ ژ ئەگەرێ دروستبوونا ناكۆكییێ دناڤبەرا پەرلەمانتاراندا ل سەر پرۆژەیاسایا هەمواركری یا بارێ كەسی كۆمبوون هاتبوو پاشئێخستن.
