ئەڤرۆ دوشه‌مبی 2024/12/2 ێ” نێچیرڤان بارزانی، سەرۆکێ هەرێما کوردستانێ، د دیداره‌كێدا ل گه‌ل ئێلبروس کوتراشێڤ، بالیۆزێ رووسیا ل عێراقێ، پەیوەندییێن رووسیا ل گه‌ل عێراقێ و هەرێما کوردستانێ گوتۆبێژكرن.
هه‌ردو ئالییان به‌حسێ په‌یوه‌ندییێن هه‌ولێر – به‌غدا، هه‌لبژارتنێن په‌رله‌مانێ کوردستانێ، دانوستاندنێن لایه‌نێن سیاسی بۆ پێکئینانا کابینا نوو یا حکومه‌تا هه‌رێما کوردستانێ كرن.
ئالۆزییێن ڕۆژهەلاتا ناڤین، ب تایبەتی ره‌وشا نوكه یا سووریێ و کاریگەرییێن هەرێمی، ته‌وه‌ره‌كێ دیتر یێ وێ دیدارێ بوو.
