بالیۆزێ ئیتالیا بۆ سه‌رۆكێ هه‌رێمێ: ئیتالیا دخوازیت په‌یوه‌ندییێن خۆ دگه‌ل هه‌رێما كوردستانێ ب هێز بێخیت

نێچیرڤان بارزانی سه‌رۆكێ هه‌رێما كوردستانێ، پێشوازی ل نیكۆلۆ فۆنتانا بالیۆزێ نوو یێ ئیتالیا ل عیراقێ كر، پشته‌ڤانی و هاریكارییا خۆ و لایه‌نێن په‌یوه‌ندیدارێن هه‌رێما كوردستانێ بۆ وی دووپاتكر.

ژلایێ خۆڤه‌ بالیۆزێ ئیتالیا خۆشحالییا خۆ ب ئێكه‌م سه‌ره‌دان بۆ هه‌رێما كوردستانێ نیشاندا و سوپاسییا پشته‌ڤانییا سه‌رۆكێ هه‌رێمێ كر، دووپاتی ل هندێ كر كو وه‌لاتێ وی ب گرنگیڤه‌ ته‌ماشه‌ی په‌یوه‌ندییێن دگه‌ل عیراقێ و هه‌رێما كوردستانێ دكه‌ت، كار بۆ هندێ دكه‌ت په‌یوه‌ندییێن خۆ دهه‌موو بیاڤاندا دگه‌ل هه‌رێمێ ب هێزتر بكه‌ت.