په‌ياما سه‌رۆكاتییا هه‌رێما کوردستانێ ده‌رباره‌یى پێشهاتێن سووريێ
ئه‌م ل هه‌رێما كوردستانێ برگرنگییه‌كا زۆرڤه چاڤدێريیا پێشهاتێن سووریێ دکه‌ين” داخوازێ ژ هەموو لایه‌نان دکەین زمانێ دیالۆگێ و چارەسەرییا ئاشتیيانە بگرنە بەر، ب شێوه‌كێ دادپەروەری و یەکسانی بۆ هەموو پێکهاتێن سووریێ، ژ وان ژی گەلێ کورد، دەستەبەر بکه‌ت، هه‌روه‌سا پشكداريیا وان یا کارا د داڕێژتنا داهاتییێ وه‌لاتی دا، مسۆگەر بکه‌ت.
هەرێما کوردستانێ د چارچۆڤێ عێراقێدا پابەنديیا خۆ بۆ پاراستنا پەیوەنديیا هه‌ڤسەنگ و کارکرنێ بۆ بهێزکرنا هاریکاريیا هەرێمێ و نێڤدەولەتی بۆ دڵنیابوونێ ژ سەقامگیريیا سووریێ دوپات دكه‌ت” هه‌موو ململانه‌كا ره‌وشا ڤێ ده‌ڤه‌رێ ئاڵۆز بكه‌ت ڕه‌تدكه‌ين، هه‌روه‌سا ته‌كه‌زییێ ل سه‌ر پاراستنا ئاسایش و سەقامگیرى و بەرژەوەنديیا هەموو گەلان و پێكهاتهێن ده‌ڤه‌رێ دكه‌ین.
د ده‌مه‌كی دا پێشهاتێن بله‌ز، ته‌كه‌زییێ ل سه‌ر گرنگيیا یەکخستنا بزاڤێن نێڤدەوڵەتی و هەرێمی دکەین بۆ دلنیابوون ژ داهاتییه‌كێ سەقامگیر بۆ سووریێ” له‌وما داخوازێ ژ جڤاكێ نێڤده‌وله‌تى و وه‌لاتێن ده‌ڤه‌رێ دكه‌ين ڕۆلێ خۆ بۆ چاره‌سه‌رىیا ئاشتييانه بگێرن، هه‌روه‌سا پشته‌ڤانییا خۆ بۆ خواستێن گەلێ سووریێ بۆ ئاشتی و ئازادییێ دوپاتدكه‌ين.
