گرنگە گەنجێ كورد زەند و باسكێن خۆ دیاربكەن د دەمێ نوكەدا گرژی و ئالۆزی زۆر بووینە و شەر كەتیە دناڤا ئاخا كوردستانێ دا، لەوما ژی فەرە تۆلازێ كورد تایبەت یێ باشوور ژ ڤێ دوگمایێ بهێتەدەر و هوشمەندییا خۆ هشیار بكەت و ب هێزا خۆ و پێنوسێ خۆ ڤێ گەفێ و ڤێ ئاسمیلەكرنێ ب راوستینیت و ژ ڤێ تەلهێ هشیارببیت و ب دەركەڤیت. د ڤی دەمێ نوكە ئەم تێدا ڕەوش ب دژواری یا ئالۆزە ژلایەكی عیراق پرسگرێك و ئالۆزییان دئینیت د ( ئەیفەزێدا ) ئانكو د حازریێدا. ژ دەستپێكا هـاتنا تیرۆریستێن دا*ع*ش دا بۆ ئاخا عیراقێ و ل هـێرڤە بودجێ هـەرێما كوردستانێ هـاتیە قوتكرن. پاشان د هـەمان دەمدا چەكدارێن حەشدا شەعبی ل پردێ هـێرشی پێشمەرگان كر و چەندین پێشمەرگە شەهـید كەفتن و زارویێن وان مانە ئێتیم و هـەڤژینێن وان مان بێ خودان. دیسان دوژمنێن كوردان ناهـێلن باشوورێ ڕزگاركری و ئازاد تەنا ببیت. پشتی دامەزراندنا پە*كە*كێ ل سالا 1978 هـەتا نوكە بوویە بەلا سەرێ کورد و کوردستانێ. پەکەکا کو وەسا ددا دیاركرن ژ بۆ ئازادییا هەر چار پارچێن کوردستانێ هاتیە دامەزراندن، شەڕ ل باکوورێ کوردستانێ دەستپێکربوو، ئێدی ل وێرێ نەما، بەلکو ل ڕۆژئاڤایێ کوردستانێ و د ناڤا ھەرێما کوردستانێ دا بەلاڤبوویە، ئارتێشا ترکیێ ژی ب هێجەتا ڤی شەڕی دەستێوەردانێن خۆ یێن دژی ڤان پارچێن کوردستانێ ڕۆژ ب ڕۆژ زێدەتر دكەت و هـەر ڕۆژ جانێن كوردان ژ ناڤدبەت.
كرێ گرتیێن پە*كە*كێ ل سالا 1982 هـێزێن خۆ كێشانە باشووری و هـێدی هـێدی پیلان دانان و خالێن خۆ جهـگیر كرن و د دەمەكیدا ئیمزایا سنۆر نە بەزاندنێ كریە، بەلێ هێدێ هێدی ئارمانجا وان هـاتە پێش و وان خواست ب فێل جەندرمێن توركان ب هـێجەتا شەڕی ب كێشنە دناڤ ئاخا باشوور دا و ڕەز و بیستانێن خەلكێ هـەژار ب شەوتینن و ل باكوور ڕەز و بیستانێن وان گەشە بكەن و بهـێنە بەرهـەم و خەلك ب ئازادی ل سەر جهـێن خۆ بن و خەلكێ گۆندێن بەرواری بالا و نێروە و ڕێكان نەشێن بچنە ناڤا بیستانێن خۆ دا یێن چەندین سالان كار ل سەر كری بۆ قویتێ ژیانێ. گەلەك جهـ ب جهـهێلان و ڕادەستی لەشكەرێ توركان كرن . ئالۆزییێن پە*كە*كێ و جەندرمێن توركا ل باشووری دێ ڕەوشەكا دی ئینیتە پێش ژلایێ دی عەرەب یێ خۆ ڤەدكێشنە ناڤا هـەرێمێ و جهـان دكرن و دبنە خوەدی ئاخا كوردان و ل ڤێرە ئاكنجی دبن. ب دیدا من ل پاشەڕۆژێ ئەڤە دێ بیتە خالەكا نە باش بو كوردان و دێ ل ڤێرە زۆر بن و دێ ل پاشەڕۆژێ بنە گەلەك، عەرەب ژی وەك كێڤریشكانە زارۆیان ب مشەیی دروستدكەن دیر نینە ژی ل پاشەڕۆژێ بێژن ئەم ژی خۆدانێن كوردستانێینە و مەژی ماف تێدا هەیە . دڤێت لاوێ كورد ل باشوور هشێن خۆ بینن سەرێ خۆ و ژ دوگمایێن نە ڕەوا دەربكەڤن و بهـێنە ناڤا سیاسەتێ و دەربكەڤنە كۆلانان و ڤان هێرشێن تۆندڕەو ڕیسوا بكەن و دژی وان ب ڕاوستن. وەلات یێ ل بەر گەفا نەمانێ یێ د مەترسیێدا، ئەڤ هێمنی و ئارامییا ل كوردستانێ نامینیت، لەوما ژی دڤێت ئەم ژ بێهوشیێ بهێینەدەر و ڤێ ڕادیكالێ و ئاسمیلەكرنێ قەبیل نەكەین، ئەڤێ گوهشییێ هشیاربكەین … مروڤ هەكە ڕاستی بەربەست و پرسگرێكان بهێن و بمینن ل بەندا كەسەكی ئان كەسەكێ كو بهێت گوهوڕینان د ژیانا وان دا بكەن ئەو دێ ب دەردێ چاڤەڕێبوونێ و بێهیڤیبوونێ مرن. دەما كو هوین بشێن ڕامانێن خۆ، هزرێن خۆ كۆنتڕول بكەن، دەما كو وە هشێن خۆ كۆنتڕول كرن، وی دەمی هوین دێ گەهنە قۆناغا كو هوین بشێن ژیانا خۆ ژی ب تەڤاهی كۆنتڕول بكەن. ل دوایێ هوین دێ بنە سەردەست و ئافرێنەرێ چارەنڤیسێ خۆ ب خۆ، گەر ئەم نە بینە ڕزگاركەرێن خۆ و خۆ نە بسپێرین، كەس ناهێت مە ژ ڤێ شوكێ و تەلهێ بینیتەدەر. گرنگە ئەم ڤان چەق و چالێن د رێدا ڕاكەین. دیسان ب دیدا من ئەڤ ئارامییە دێ بەرەڤ لایەكێ تاری چیت و دێ گەمیا مە بن ئاڤ بیت و دێ بینە خوارنا نەهنگێن هار.
