وه‌زیرێ به‌رگرییا توركیا راگه‌هاند، توركیا ب هه‌ڤكارییا حكومه‌تا هه‌رێما كوردستانێ و حكومه‌تا فیدرال یا رژده ل سه‌ر داوى ئینانا تیرۆرێ وه‌كو ئاماژه‌یه‌ك بۆ گه‌ریلایێن په‌كه‌كێ، هه‌ردو ئالى ژى گه‌هشتینه لێكتێگه‌هشتنه‌كێ ل دۆر وێ پرسێ.
پشتى سه‌ره‌دانا وى بۆ هه‌رێما كوردستانێ، خلۆسی ئاكار راگه‌هاند؛ توركیا ژ نێزیك دووڤچوونا ده‌رئێخستنا تیرورستان سنۆرێن شنگالێ دكه‌ت وه‌كو ئاماژه‌یه‌ك بۆ په‌كه‌كێ، بۆ وێ پرسێ ژى ئه‌نقه‌ره ئاماده‌یه هاریكارییان پێشكێش بكه‌ت.
وه‌زیرێ به‌رگرییا توركیا گۆت ژى؛ كۆمبوونێن دگه‌ل به‌رپرسێن هه‌ولێرێ و به‌غدا سه‌ركه‌فتی و به‌رهه‌مدار بوون و ئه‌وان دوسه‌یا نه‌هێلانا په‌كه‌كێ دگه‌ل چه‌ندین بابه‌تێن دی یێن گرێداى ئێمناهیا هه‌ردو ئالییان و ده‌ڤه‌رێ گۆتوبێژ كرینه.
خلوسی ئاكار، وه‌زیرێ به‌رگریا توركیا دیاركر؛ ئێمناهیا سنۆرێن وان دگه‌ل ئیراقێ گه‌له‌ك گرنگه و ئه‌و یه‌ك د كومبونێن خوه دا دوپات كریه، یا پێدڤى ژى بۆ پاقژكرنا ده‌ڤه‌رێ ژ تیرۆرێ دێ كه‌ن.
خلۆسى ئاكار، وه‌زیرێ به‌رگرییا توركیا رۆژا دوشه‌مبى سه‌ره‌دانا ئیراقێ كر و دگه‌ل هه‌ڤكیفێ خو یێ ئیراقی جومعه عناد و سه‌روكوه‌زیرێن ئیراقێ، مسته‌فا كازمى كۆم بوو، پاشى سه‌ره‌دانا هه‌رێما كوردستانێ كرییه و دگه‌ل سه‌رۆكێ هه‌رێمێ و سه‌رۆكوه‌زیرێن هه‌رێمێ كوم ببوو.
