رێڤه‌به‌رێ یاسایی ل وه‌زاره‌تا باژێرڤانی و گه‌شتوگوزارێ ل حكومه‌تا هه‌رێما كوردستانێ دیار کر: ئه‌ڤرۆ هه‌تا سوبه‌هی ناڤێن نێزیكی 150 هزار فه‌رمانبه‌ران بۆ وه‌رگرتنیا پارچێن ئه‌ردی دێ بۆ سه‌رۆكاتییا جڤاتا وه‌زیران هێنه ره‌وانه‌كرن.
سه‌ربه‌ست مه‌ولوود، زێده‌تر بۆ ئاژانسا خانی دبێژیت: هه‌تا نوكه هووربینی بۆ ناڤێن نێزیكی 150 هزار فه‌رمانبه‌ران هاتینه كرن، ئه‌وێن فۆڕم بۆ وه‌رگرتنا پارچێن ئه‌ردی پڕكرین و بڕیاره ل ڤان رۆژان ب نڤیساره‌كا فه‌رمی لیستا ناڤێن 150 هزار فه‌رمانبه‌ران بهێنه ڕه‌وانه‌كرن بۆ سه‌رۆكاتییا جڤاتا وه‌زیران” داكو بهێنه په‌سه‌ند كرن.
ناڤهاتی گۆت ژی: ئه‌م پێشبینی دكه‌ین ل ده‌مه‌كی نێزیكدا سه‌رۆكاتییا جڤاتا وەزیران لیستا ناڤێن ئه‌وان 150 هزار فه‌رمانبه‌ران په‌سه‌ند بكه‌ت و ڤه‌گه‌رینیته‌ڤه بۆ وه‌زاره‌تا باژێرڤانی و گه‌شتوگوزارێ” داكو بكه‌ڤیته د بیاڤێ بجهئینانێ دا” هه‌روه‌سا فۆڕمێن ئه‌وان 150 هزار فه‌رمانبه‌ران، یێن هه‌ر چار پارێزگه‌هـ و ئیدارێن سه‌ربه‌خۆ نه و هه‌موو وه‌زاره‌ت و فه‌رمانگه‌هێن حكومه‌تا هه‌رێما كوردستانێ تێدا هه‌نه.
