سەرۆکایەتییا هەرێما کوردستانێ ڕاگەهاند، نێچيرڤان بارزانى سەرۆکێ هەرێما کوردستانێ دگەل دادوەر جاسم محەمەد سەرۆکێ دادگەها بلند یا فیدرال كۆمبوو، د كۆمبوونێدا بەحس ل گرنگییا ڕۆلێ دادگەها فیدرال د چارەسەركرنا بابەتێن دناڤبەرا هەولێر و بەغدا، پابەندبوون ب دەستوورێ عیراقێ و پاراستنا مافێن هەمی پێكهاتەیێن عیراقێ هاتەكرن.
نێچيرڤان بارزانى سوپاسییا ڕۆلێ دادگەها فیدرال بۆ هاریكاریكرنا وان د هەلبژارتنێن پەرلەمانێ كوردستانێدا، چارەسەركرنا بابەتێن مووچەیی و پاراستنا دیمۆكراسییێ ل وەلاتی كر و ڕۆلێ دادگەهێ بلند نرخاند.
هەروەسا د كۆمبوونێدا سەرۆکێ هەرێمێ و سەرۆکێ دادگەها بلند یا فیدرال دووپاتكر، پێدڤییە هاریكاری دناڤبەرا دەزگەهێن دادوەری، یێن فیدرال و هەرێمێدا هەبیت، بۆ چارەسەركرنا ئاریشەیان ل سەر بنەمایێ یاسایی و دەستووری.
