ئەڤرۆ رۆژا چوارشەمبی رێکەفتی ٢٠٢١/١/٢٠ (د.عەلی تەتەر) پارێزگارێ دهۆکێ پێشوازی ل شاندەکێ بلند یێ ئێکەتییا زانایێن ئاینێ ئیسلامێ ب سەرۆکاتییا (د. عەبدولا مەلا سەعید وەیسی) سەرۆکێ ئێکەتییا زانایێن ئاینێ ئیسلامێ ل هەرێما کوردستانێ کر.
د روینشتنێ دا ب بەرهەڤبوونا هژمارەکا زانایێن ئاینێ ئیسلامێ، سەرۆکێ ئێکەتییا زانایان راگەهاند: سۆپاسییا پارێزگارێ دهۆکێ دکەین ژبۆ پێشوازیا وی یا گەرم و هەماهەنگییا بەردەواما دگەل ئێکەتییا زانایان و رێڤەبەریێن پەیوەندیدار و دوپاتی ل گرنگییا پێکڤەژیانا ئاین و نەتەوان ب تایبەتی ل سنۆرێ پارێزگەها دهۆکێ کر.
پارێزگارێ دهۆکێ ژی پشتی بخێرهاتنا شاندێ مێهڤان رۆلێ زانایێن ئاینێ ئسلامێ د هەمی بیاڤان دا و ب تایبەتی د بزاڤا نەتەوەیی و نشتیمانی دا بلند نرخاند و گۆت: بەردەوام وان پێدڤی ب هەماهەنگییا دگەل ئێکەتییا زانایان هەیە د هەمی بیاڤان دا و ب تایبەتی د پاراستنا پێکڤەژیانا ئاشتییانە یا هەمی پێکهاتە و نەتەوان دا.
