نێچیرڤان بارزانی پیرۆزباھییا دەست ب کاربوونا بایدن و جێگرا وی دکەت

نێچیرڤان بارزانی سەرۆکێ ھەرێما کوردستانێ پەیامەکێ ئاراستەی جۆ بایدن سەرۆکێ ئەمریکا و کامەللا ھاریس جێگرا وى کر و پیرۆزباھییا دەست ب کاربوونا وان کر.
نێچیرڤان بارزانی د تۆرا جڤاکییا توێتەرێ راگەھاند: ئەو ب ناڤێ ھەرێما کوردستانێ پیرۆزباھیێ ل سەرۆک جۆ بایدن و جێگرا سەرۆکی کامەللا ھاریسێ دکەت ب ھەلکەفتا دەست ب کاربوونا وان یا دیرۆکی.
سەرۆکێ ھەرێما کوردستانێ گۆتییە ژی، ئەو سەرکەفتنێ د رێڤەبرنا ئەمریکا دا بۆ وان دخوازیت، ب ھیڤیا پێکڤە کارکرنێ دگەل ھەڤالێن مە یێن ئیدارا نوو یا ئەمریکا.