كونسلخانا ئه‌مریكا ل هه‌ولێرێ هه‌ژماره‌كا وێنێن سه‌ركردێن كورد دگه‌ل سه‌رۆكێ نوى یێ ویلایه‌تێن ئێكگرتى یێن ئه‌مریكا به‌لاڤكرن.
پشتى سووند خوارنا جۆ بایدنى وه‌ك سه‌رۆكێ 46ێ یێ ئه‌مریكا، كونسلخانا گشتى یا ئه‌مریكا ل هه‌ولێرێ ل په‌یجێ خۆه یێ فه‌یسبۆكى دا په‌یامه‌ك به‌لاڤكر و تێدا هاتییه، سووند خارنا سه‌رۆكایه‌تیێ ده‌ستپێكا خۆله‌كا نوو یا یا چار سالێن سه‌رۆكایه‌تییێ یه بۆ سه‌رۆكێ ئه‌مریكا.
جۆ بایدن وه‌كو سه‌رۆكێ 46ێ یێ ویلایه‌تێن ئێكگرتى یێن ئه‌مریكا ب شێوه‌یه‌كێ فه‌رمى سووندا قانوونى خوار، ب وێ هه‌لكه‌فتێ ژى كونسلخانا گشتى یا ئه‌مریكا ل هه‌ولێرێ هه‌ژماره‌كا وێنێن سه‌ركردێن جیهانى و هژماره‌كا سه‌ركردێن كوردان ژى دگه‌ل جۆ بایدنى به‌لاڤكرن.
دوهى رۆ‌ژا 20 كانوونا دویێ جۆ بایدن، سه‌رۆكێ نوو یێ ئه‌مریكا و كامالا هاریسى یا جێگرا وى سووندا قانوونى خار.
