ژیان ل سهر ئاستێ تاكان و كۆمان و كیانان، كاركرن و ههڤركی و ململانهكا بهردهوامه بۆ دهستكهفتان، ژ دابینكرنا پارییێ نانی بۆ جلوبهرگان، خانوبهران، كۆمكرنا سهرمایێ، گۆتن و دهربرینان، كار و چالاكییان، كۆمبەست و كیانان، خۆ پاراستن و ئیمناهییێ و هتد…
پێكهاتییێ مرۆڤی ڕێكخستنهكا تماما ئهندامێن وییه، ب كار و ههڤكاران ئهركێن وان دهێنه بجهئینان، دا ئهو ههبوون پێكڤه بشێت ب وان ئهركان ڕابیت كو مهرهم ژی یه و ههر خهمسیارییهك یان لاوازییەك ژ ئهندامهكی دێ كارتێكرنێ ل سهر ئهركێ گشتی كهت و ئهو مهبهست ب ڕهنگێ بۆ دانای بجهناهێت، پێدڤییێن ههبوون و مان و بهردهوامبوونا خۆ ب دروستاهی دابین ناكهت.
مرۆڤێ ئهركێن خۆ ههنه و بهرپسیاری بۆ چێكرینه، ب كار و ههڤكاران بجهدهێن و ههر ئێك ژ خۆ و كۆمبهست ژ خۆ بهرپسیاره و ئهگهر ئهو ب خۆ ب بهپرسیارییا ( ئهندامێن لەشی د تاكیدا و هەرتاكەك د كۆمێدا) خۆ نەرابیت، دێ شكێت و كەڤیت، هەروەكو گوتیە ژی: هەرئەندامەكێ ب شۆلێ خۆ ڕانەبیت، دێ لاواز بیت و ژ كاركەڤیت.
مرۆڤ كو ژیندارەكێ جڤاكییە، بێی هەبوونا ب كۆم نابیتە مرۆڤ و گەشەیێ ناكەت، ئەڤ هەبوونا جڤاكی هاریكارییێ دابین دكەت كو باشتر و ب ساناهیتر كارێن خۆ ئەنجام بدەت و گەشەیێ بكەت، بەلێ هەبوون پاشی هاریكاری، ئانكو كار پاشی هەڤكار، مەبەست ڕۆلێ كاركەری پاشی هەڤكاری نەمازە هندەك ئارمانج مەزنن، لێ مشت و بارۆڤە ژ شیانێن مرۆڤی مەزنترن و د خوازیتە هاریكارییەكا دیتر، ئەڤەژی شیان و بەرپرسیارەتییا مرۆڤی نیشانددەت و د هەمان دەمدا پێدڤییا هاریكارییا یێن دە ژی بەرهەڤدكەت، ل بەراهییێ هەبوون و پلانا مان و بەردەوامییێ و ل دویڤ دا هاریكاری و ئامرازێن پێدڤیێن دەربازبوونێ و گەشەكرنێ.
گەلەك مرۆڤ ب مراداخۆ نەگەهشتینە، هەروەكو گەلەك مللەت ژی ب ئارمانجاخۆ نەگەهشتین، ئەگەر ژی گەلەكن” خۆیینە و بابەتی نە” ئەگەر هەردوو ئەگەر پێكڤە دباشبن، ئەڤە سەركەفتن ب دەستڤەهات و گەهشتە مراد و ئارمانجان، ژخو ئەگەر هەردوو دخراببن” ئەڤە سەركوتكرن و متكرنە، خو ئەگەر ئێك ژی یێ باشبیت یێ دی نە، ئەڤە بۆ ململانەكا دومدرێژو بێ ئەنجام، هەر بیرۆكەكا ل دەڤ ئێكێ پەیدابیت، ئەگەر هندەكێن دی پێ داخبار نەبن و خۆ لێ نەكەن خۆدان، دێ دگەل مرنا خۆ مریت، ژ خۆ ئەگەر داخبار و مریدێن خۆ هەبن، دێ مینیت، مان بۆ یێن باش و كێرهاتییە، د سیاسەتێدا، هەتا هێز و دەستهەلات چێدبیت، دڤێت بیرۆكە یا باش بیت و هەڤكار و مرید و پشتەڤان بۆ هەبن، ژبلی ڤێ دێ یا مری بیت، هەموو كار وەسا چێبووینە، بیرۆكە و ئیرادە و بریار و هێز و پشتەڤان كو چێبوون ژی، هەر پێدڤی و ب كار و هەڤكارانە، ئیسرائیل ب زانست و تەكنۆلۆجیا و ئابۆری و هەوالگیرییێ هەبوونەكا ب هێز نیشانددەت، هەڤكارێن وێ، بزاڤا زایونزمی و لۆبییێ جوهیان و پشتەڤانییا ئەمریكا و ڕۆژئاڤایێ یە، ئەوان ئەو خورت كریە كو دشێت یاریكەرەكێ باش بیت و كارتێكرنێ بكەت و سیاسەتێ پاژوت، ئیرانێ ژی هێزا جوگرافی و مرۆڤی و بیرەوەی و زانستی و ئابۆری، هندەك هەڤكارێن دەرەكی هەنە، لەو دشێت یارییێ بكەت.
ئەمریكا ب هەر توخمەكی ب هێزە، لێ هەر پێدڤی ب هەڤكارییێ و پشتەڤانییا دەرەكییە بۆ هاژۆتنا گەلەك سیاسەتان و ب جهئینانا بەرژەوەندییێن خۆ، ئانكو ب هیڤییا ڕەشۆی ب تنێڤە ناقەتییێت، دڤێت ڕەشۆ هەبوونەكا بهێز نیشانبدەت، هندەك كاران بكەت، داهەڤكار و پشتەڤان بۆ چێبن و شۆلێن وی ب ڕێڤەبچن، ل بەراهییا دەستپێكرنا هەر بزاڤەكێ و ژبۆ دابینكرنا بنگەهێ وێ هەبوونێ داخبار و مرید د پێدڤینە دا هەڤكارییێ بكەن، پاشی تەكتیكا پەیداكرنا دۆست و پشتەڤانان دگەل نەیاران هەتا بهێز دكەڤیت، ئەڤ سیاسەتە پەیامبەران و باوەرداران ژی بكارئیناینە هەتا ب سەركەڤتین، پاشی ل دووڤ بیروباوەرێن خۆ بزاڤ كرینە و دەستبەرداری وان بووینە یێن ل سەردەمەكی ئارامی دگەلدا كری و دوست نیشانداین.
دبێژن كەس هەڤالێ هەژاری نینە، ژبەر هندێ كار دهێتە كرن كو هە ژاری نەمینیت، كورد ژی هندی د هەژارن، نە هەڤكار هەنە و نە ب هێز دكەڤن و نە دبنە خۆدان پشتەڤان، لەوما ژی دوژمنان كورد د سێكوژكا كوژەدا هێلاینە هەژار و نەزان و نەخۆش، دانەبنە كیانەكێ نەتەوەییێ ب هیز.
مللەتێن هەژارد نەزانن و یێن نەزان ژی د نەخۆشن، نەزانین ئاستەنگە ل هەمبەر دەربازبوونێ ژ هەژارییێ و نەخۆشییێ، دەمێ ئەندامێن لەشی ب ئەركێ خۆ ڕانەبن، ئەڤ كارێ لەشی لەنگ بوو و ژ كار كەڤت، دەمێ تاكێن كۆمێ ژی ب ئەركێن خۆ ڕانەبن، كۆم ژی نەشێت بگەهیتە ئارمانجێن خۆ، ژ كەڤندا ئەڤە دەردێ كوردان بوویە، چ جاران هەڤگرتی نەبووینە و پێكڤە ب ئەرك و كارێن خۆ ڕانەبووینە، لەوما هەڤكارێن وان ژی دكێم بووینە، ب ئارمانجێن خۆڕا نەگەهشتینە، جیهانا ئەڤرۆ جیهانا دەولەمەندایە، دۆستینی دگەل دەولەمەندان دا دهێتەكرن، دەولەمەندییا زانستی، تەكنۆلۆجی، ئابوری، وزێ، شیانێن لەشكەری و هەڤگونجاندنا جڤاكی، كو كار ب ڤان دهێتەكرن و هەڤكاران دابین دكەن.
كوردان ئەڤ توخمێن دەولەمەندییێ و هێزێ تێدا هەنە، ئەگەر هەڤبگرین و باشتر ڕیكبێخین و دەستەبەربكەین و ل سەر بنگەهەكێ دروست و دبەرژەوەندییا گشتیدا ب كاربینین، دێ بنە ئەو هێزا هەڤكار یا دەولەتینی دگەلدا بهێتەكرن، دێ پێشڤەچن و ئەڤە دهێتە چاڤەرێكرن.
