جڤاتا وەزیران: هەر پابەندییەکا ل سەر هەرێما كوردستانێ ب زێدەهی هاتییە بجهئینان” هەمی نەرمییەك نیشاندایە ژ بۆ دەستپێكرنا هنارتنا نەفتێ” ئەم چاڤەرێی بەغدا دكەین داكو داوییێ ب سیاسەتا نەهنارتنا موچەیی بینیت.
ئەڤرۆ چارشەمبی جڤاتا وەزیران ب سەرپەرشتییا سەرۆكوەزیران مەسرور بارزانی جڤاتا وەزیرێن هەرێما كوردستانێ كۆمبوویە و گەنگەشە ل سەر چەندین بابەتان كرییە:
. حکومەتا هەرێما کوردستانێ هەمی پابەندبوون و نەرمی نیشان دایە ژبۆ دەستپێکرنا دوبارە یا هنارتنا نەفتێ ب رێیا کۆمپانیا سۆمۆ دا.
. هەرێما کوردستانێ و کۆمپانیێن نەفتێ ئامادەییا هاریکارییێ ل گەل حکومەتا فیدرالی نیشان دایە ژبۆ دوبارە هنارتنا نەفتێ و ژ بۆ برینا وان هەموو بەهانەیان یێن بەغدا بكاردئینیت ژبۆ نەهنارتنا موچەیان بۆ خەلكێ هەرێمێ.
. نوکە چاڤەرێی بریارا حکومەتا فیدرالی دکەین ژبۆ پەسەندکرنا تێگەهشتنێن هەڤپشك یێن هاتینە ئەنجامدان.
. هەمی بابەتێن پەیوەندیدار ب لیستا موچەیی، هژمارا وەزیفی، هووربینیا هەڤپشك، و ب بانکیکرنا مووچەیان هاتینە بجهئینان.
.داخوازیا هەرێما کوردستانێ ئەوە کو بەغدا داویێ ب سیاسەتا نەشاندنا موچێن خەلکێ کوردستانێ بینیت، چونکی موچە مافەکێ یاسایی و دەستوورییە.
. وەزارەتا کار و کاروبارێن جڤاکی راپۆرتەک پێشکێشکرییە سەبارەت ب خانەنشینی و دەستەبەریا جڤاکی یا کرێکاران ل هەرێمێ.
