وەزارەتا شەهیدان و ئەنفالکریان یا حکومەتا هەرێما کوردستانێ ڕاگەهاندیە، جڤاتا وەزیران ڕازەمەندی دا، گرتی و زیندانییێن سیاسی یێن ژیێ وان 60 سال تا 65 سالی ژ هاریکارییێن هەیڤانە مفادار ببن.
ئەڤرۆ سێشەمبی، 19ــی تەباخا 2025ــێ، ئەحمەد مام رەسوڵ، ڕێڤەبەرێ گشتی یێ خزمەتگوزارییێن شەهیدان و ئەنفالکریان ل وەزارەتا شەهیدان ڕاگەهاند، جڤاتا وەزیران یا حکومەتا هەرێمێ ڕازەمەندی دا، ب مفاداربوونا زیندانییێن سیاسی ژ وەجبێن 9 تا 15 کو هاریکارییێن هەیڤانە نینن و دێ ژ بڕیارا درێژکرنا ژیێ خانەنشینییێ ژ 60 سالییێ بۆ 65 سالییێ مفاداربن.
ئەحمەد مام رەسوڵ، گۆت:”ژ وەجبێ 9 تا 15 ژمارەیا وان 20 هزار و 591 کەسن و ئەو کەسێن مفادار دبن ژمارەیا وان 276 کەسن، ئەو کەسێن هاریکارییێن وان یێن هەیڤانە ژ ئەگەرێ قەیرانا دارایی هاتینە ڕاوستاندن، ژ ئەڤرۆ پێڤە دێ مفاداربن.
هەروەسا ئاماژەکر، هاریکارییا هەیڤانە دێ بۆ ڕزگاربوویێن هەوێن ئەنفالێ 250 هزار دینار و زیندانییێن سیاسی 500 هزار دینارێن عیراقی دەستپێکەت.
ئەڤ بڕیارە پالپشتە ب بڕیارا ژمارە (191) یا جڤاتا وەزیران کو ل 15ـی کانوونا دووێ یا 2025ــێ دەرکەڤتیە.
