ئەحمەد جەمیل، رێڤەبەرێ گشتییێ چاندنێ ل پارێزگەها دهۆکێ دیاركر: ئەڤ سالە ل هەرێما کوردستانێ گەشەیەکا بەرچاڤ د بەرهەمئینانا سماقێ دا هەیە، ب رەنگەكێ كو رووبەرێ چاندی ب سماقێ گەهشتیە 12 هزار و 550 دۆنەمێن ئەردی.
ناڤهاتی گۆت ژی: دهێتە پێشبینی کرن” سەرجەمێ بەرهەمێ سماقا ئەڤ سالە ل دهۆكێ بگەهیتە حەفت هزار و 480 تەنان، ب ڤێ چەندێ ب هەڤبەركرن ل گەل پار دا” رێژا وێ 20% ێ” زێدە بوویە و سماق بوویە زێرێ سۆرێ کوردستانێ.
رێڤەبەرێ گشتییێ چاندنێ ل پارێزگەها دهۆکێ” ئەو چەند ژی ئاشكرا كر: بهایێ سماقێ ل بازارێن هەرێما كوردستانێ دا زۆر یێ باشە، ئەڤە دبیتە هۆکارەك كو پتر گرنگی ب ڤی بەرهەمی بهێتە دان” هەروەسا ل هەرێما کوردستانێ سێ جۆرێن سەرەکی یێن سماقێ دهێنە بەرهەمئینان” ئەو ژی” سماقا سپی، سماقا سۆر و بالیکی.
ئەحمەد جەمیلی گۆت ژی: بهایێ كیلۆگرامەكا سماقا سپی د بازاری دا، د گەهیتە نێزیکی حەفت هەزار دیناران” سماقا سۆر ژی، بهایێ وێ نێزیکی پێنج هزار دینارایە و سماقی بالیکی، بهایێ وێ دناڤبەرا پێنج هزار و نیڤ بۆ شەش هزار دیناران دای” هەروسا هەتا نوكە هەرێما کوردستانێ 665 تەنێن سماقێ هنارتینە وەلاتێ تورکیا، ئەڤێ وێ چەندێ نیشان ددەت” كو حەزەكا زۆر ل سەر سماقا کوردی د بازارێن نێڤدەولەتی دا هەیە.
