ژێده‌ره‌كى ژ پۆلیسێن دهۆكێ بۆ خانى نیوز راگه‌هاند، تاوانبارێ روودانا ئه‌ڤرۆ سپێدێ ل گۆندێ ئێمینكى خوه راده‌ستى پۆلیسان كرییه.
موقه‌دمێ مافپه‌روه‌ر، هێمن سلێمان، به‌رپرسێ راگه‌هاندنا رێڤه‌به‌رییا پۆلیسێن دهۆكێ د پرێسكۆنفرانسه‌كى دا دیار كر، ئه‌و ته‌رمێ ئه‌ڤرۆ سپیدێ ل گوندێ ئێمینكێ هاتیه دیتن، ژ ئه‌گه‌رێ لێدانا ترۆمبێلێ گیانێ خوه ژ ده‌ست دایه، پشتى دووڤچوونا پۆلیسان بۆ وێ كه‌یسێ شۆفێرێ ترۆمبێلێ به‌رى ده‌مه‌كێ كێم خوه راده‌ستى پۆلیسان كر.
ئه‌ڤرۆ سپێدێ ته‌رمێ كه‌سه‌كى ژیێ وى دناڤبه‌را 30 بۆ 40 سالیێ دا ل گوندێ ئێمینكێ ل رۆژهه‌لاتێ باژارێ دهۆكێ هاته دیتن، پشتى ته‌رمێ وى بۆ پزیشكییا داد ل دهۆكێ هاتیه ره‌وانه‌كرن، وه‌سا دیار بوو كو ژ ئه‌گه‌رێ لیدانا ترۆمبێلێ گیانێ خوه ژ ده‌ست دایه، پشتى دووڤشوونا پۆلیسێن بنگه‌هێ خه‌بات و زاویته و نڤیسینگه‌ها نه‌هێلانا گونه‌هباریان، به‌رى ده‌مه‌كى شۆفێرى خوه راده‌ستى پۆلیسان كر.
