د. دارا ره‌شید وه‌زیرێ پلاندانانا حكومه‌تا هه‌رێما كوردستانێ د پرێسكونفرانسه‌كێ دا راگه‌هاند، حه‌فتییا داهاتى رۆژا شه‌مبى یان ئێكشه‌مبى شاندێ حكومه‌تا هه‌رێمێ دێ سه‌ره‌دانا به‌غدایێ كه‌ت و ده‌رباره‌ى پرسا مووچه‌ى و دوسه‌یێن نه‌فتێ گۆتوبێژ دێ هێنه‌كرن.
وه‌زیرێ پلاندانانێ ده‌رباره‌ى ده‌نگۆیێ هنده‌ك ژ ده‌زگه‌هێن راگه‌هاندنێ ده‌رباره‌ى به‌رزكرنا برینا مووچه‌ى بۆ 35% ئه‌گه‌ر رێككه‌وتن ل گه‌ل به‌غدا نه‌هێته كرن گۆت: ئه‌ڤ نووچه‌یه دووره ژ راستیێ، ئه‌گه‌ر تووشى قه‌یرانه‌كا مه‌زن نه‌بین چو ده‌مه‌كى لێبرین ژ وێ رێژا نوكه زێده‌تر نابیت و دێ هه‌موو بزاڤان كه‌ین بۆ هندێ بگه‌هینه رێككه‌فتنێ، چێدبیت شانده‌كا بلند یا سیاسى ژى هه‌ر بۆ وێ مه‌ره‌مێ سه‌ره‌دانا به‌غدایێ بكه‌ت.
ناڤهاتى ئه‌و چه‌نده ژى دیاركر، د نوكه دا ئه‌و مژویلى به‌رهه‌ڤكرنا پرۆژه یاسایایا بودجه‌یا هه‌رێمێنه و پشكا هه‌رێمێ ژى ل به‌غدا وه‌ك پشكه‌ك ژ داهاتێن دى د ناڤ بودجا هه‌رێمێ دا دێ جهێ خۆ گریت، حكومه‌تا هه‌رێمێ پلانا هندێ هه‌یه كو ب رێكا كێمكرنا خه‌رجیێن كۆمپانیێن نه‌فتێ و زێده‌كرنا داهاتێ ده‌رگه‌هێن سنورى مووچه‌ى دابین بكه‌ت، ژ بۆى كو ل ده‌مێ رێكنه‌كه‌ڤتن د گه‌ل به‌غدایێ ژى ئه‌و بشێن مووچه‌یێ فه‌رمانبه‌ران دابین بكه‌ین.
