زێدەباری وێ ڕێککەفتنا ئاگربەستێ یا ڕۆژا ئێکشەمبی د ناڤبەرا هێزێن سووریا دیموکرات (هەسەدە) و دیمەشقێ دا هاتییە ڕاگەهاندن، کانتۆنا جزیرێ کو پارێزگەها حەسەکە ل ڕۆژئاڤایێ کوردستانێ بخۆڤە دگریت، چەک هەلگرتنا گشتی بۆ بەرسنگگرتنا سوپایێ سوورییێ ڕاگەهاند.
حەسەن شرۆ و ڤیڤیان بەحۆ، هەڤسەرۆکێن جڤاتا جێبەجێکار ل کانتۆنا جزیرێ، ل بارەگەهێ جڤاتێ ل باژێرێ قامشلۆ ڕاگەهاندنەک ب زمانێن کوردی و عەرەبی بەلاڤكر.
د ڕاگەهاندنێ دا هاتییە: “ئەڤ چەک هەلگرتنا گشتی ئەرکەکێ نیشتیمانی و ئەخلاقییە بۆ پاراستنا گەلێ مە و دەستکەفتێن شۆرەشا مە، هەروەسا بۆ ب هێزکرنا ڕوحا بەرخۆدانێ و بەرگرییا ڕەوا ژ ئاخ و شکۆمەندییا مە یە.”
Like this:
Like Loading...
