فراکسیۆنا پارتی دیموکراتی کوردستان ل پەرلەمانێ کوردستانێ بەیاننامەیەک بەلاڤکر و تێدا ب توندی ئیدانەیا زنجیرە هێرشێن تێرۆریستی و دوژمنکاری کر کو دهێنە سەر خەلک و سازییێن هەرێما کوردستانێ، ب تایبەتی هێرشا مووشەکی یا ل سپێدەهییا ئەڤرۆ یا ئیرانێ بۆ سەر بارەگەهێن پێشمەرگەیی ل سنوورێ ئیدارا سەربەخۆ
یا سۆران.
وێ بەیاننامێ دوپاتکر، کو هێزا پێشمەرگەیی هێزەکا یاساییە و د چارچووڤێ دەستووری دا کار دکەت، پێشمەرگە هەردەم پارێزەرێ ئاسایشێ بوویە و چ جاران نەبوویە مەترسی بۆ سەر چ لایەنەکێ، ب تایبەت وەلاتێن جیرانێن كوردستانتێ، ئەڤ هێرشە وەک بنپێکاریەکا ئاشکرا یا سەروەریا ئاخا هەرێمێ و عێراقێ هاتە ل قەلەمدان، کو دژی بنەمایێن جیرانییا باش و یاسایێن نێڤدەولەتییە، ب تایبەتی هەرێما کوردستانێ سیاسەتا بێلایەنیێ د شەڕ و کێشێن دەڤەرێ دا پەیڕەو دکەت و هەردەم داخوازا ئاشتی و پێکڤەژیانێ دکەت.
