پەرتوکا (ژ شینەوارێن ناحیا شێلادزێ) ڤەکۆلین و سەرەدانێن مەیدانی یا نڤێسەر (سامی بنیامێن رێکانی) كه‌فته به‌رده‌ستێ خوانده‌ڤانان، کو ژ (٢٤٣) لاپەران پێکھاتییە.
سامى رێكانى نڤێسه‌رێ په‌رتوكێ بۆ خانى نیوز گۆت: په‌رتوكا وى ڤه‌كۆلین و سه‌ره‌دانێن مه‌یدانییه و پتر ژ (١٥٠) شوونوارێن کەڤن یێت سنوورێ ناوچه‌دارییا شێلادزێ ل دەڤەرا رێکان و دۆسکی ژووریان تێدا ھاتینە كۆمڤه‌كرن، كو دكه‌ڤنه سنورێ (٦٧) گوندێن وێ ناوچه‌داریێ.
رێكانى دیاركر ژى: وى پتریا وێنه‌یێن شوونواران د ناڤ ڤێ په‌رتوكێ دا داناینه، مەرەم ژ ئه‌ڤێ ڤەکۆلینێ ژى ئەو بوویه کو سنوورێ شێلادزێ هژماره‌كا زۆر شوونواریێن دێرین یێن ھەین و نا نوكه چ ڤەکۆلینێن زانستی ل سەر نەھاتینە کرن. لەورا وى ب فه‌ر زانییه وەکو دەستپێکەک بۆ دووڤچوونێن زانستی؛ زانییاریان ل دۆر وان شوونواران كۆمبكه‌ت و ببیته ئاسانكارییه‌ك بۆ وان ڤه‌كۆله‌ران كو دخوازن ل دۆر شوونوارێن دیرۆكى یێن وێ ده‌ڤه‌رێ ڤه‌كۆلینێ بكه‌ن.
دهێته زانین ئه‌ڤه شه‌شه‌م به‌رهه‌مێ نڤێسه‌رێ ناڤهاتى یه و ئێکەمین پەرتوکە ل دۆر شوونوارێن سنورێ شێلادزێ دھێتە بەرھەڤکرن.
سامى رێكانى نوچه‌گه‌هانێ خانی نیوزه ل ده‌ڤه‌را شێلادزێ، ئه‌م ب ناڤێ ستافێ خانى نیوز پیرۆزباهییا چاپكرنا به‌رهه‌مێ وى یێ نوو دكه‌ین و هیڤییا سه‌ركه‌فتنێ بۆ دخازین.
