<h2 style="text-align: right;">سەرۆك مەسعود بارزانی پەیامەك ل دۆر شەهیدبوونا دوو وەلاتییان د هێرشەكا درۆنیدا بۆ سەر گوندێ زەرگەزەیی بەلاڤكر و ڕاگەهاند، چ سەربلندی د شەهیدكرنا وەلاتییێن سڤیل یێن هەرێما كوردستانێ دا نینە، ئیرادەیا گەلێ كوردستانێ ژ هەموو هێرش و دەست درێژی و درۆنان ب هێزترە و چ جاران ناشكێت. دەقێ پەیاما سەرۆك بارزانی: ب ناڤێ خۆدایێ مەزن و دلوڤان: ل شەڤا بووری دیسان هێرشەكا نەرەوا ل سەر هەرێما كوردستانێ هاتەكرن، ب مخابنیڤە دئەنجامدا دوو وەلاتییێن بێ تاوان ل گوندێ زەرگەزەیی یێ سەر ب پارێزگەها هەولێرێ ژ ئەگەرێ درۆنێن ئیرانێ شەهیدبوون، ئەڤە تاوانكاری و زۆلمە، وەلاتییێن بێ تاوان یێن كوردستانێ ب ڤی شێوەیی و بێی هیچ بهانەیەك دبنە ئارمانجا كەربەكا كویر. شەهیدبوونا وان دوو وەلاتییێن بێ گونەهـ دلێ مە هەموویان سووت و ب خەم ئێخستین، سەرەخۆشییێن خۆ ئاراستەیی بنەمال و كەسوكارێن ئەوان دوو شەهیدان دكەم، خۆدایێ مەزن ب بەهەشتا بەرین شاد بكەت. شەهیدكرنا وەلاتییێن سڤیل یێن هەرێما كوردستانێ چ سەربلندی تێدا نینە، ئیرادەیا گەلێ كوردستانێ ژ هەموو هێرش و دەست درێژی و درۆنان ب هێزترە و چ جاران ناشكێت، گەلێ كوردستانێ پشتا خۆ ب خۆدای و ڕەوایەتییا دۆزا خۆ ب هێز دكەت. مەسعود بارزانی 7ی نیسانا 2026ێ</h2>
