سەرۆكوەزیرێن هەرێما كوردستانێ ڕاگەهاند، هیڤییا وی ئەوە ئاگربەستا دناڤبەرا ئەمریكا و ئیرانێدا یا بەردەوام بیت، ببیتە ئەگەرەك بۆ سەقامگێری و ئاشتییەكا بەردەوام ل دەڤەرێ.
مەسرور بارزانی، سوپاسییا هەموو ئەوان لایەنان كر یێن هاریكارییا هەرێما كوردستانێ كری، دووپاتی ل هندێ ژی كر، كو هێرشێن ل سەر كوردستانێ هاتینەكرن، د نەڕەوا و بێ بهانە بوون، هیڤی خواستن دووماهی ب هەموو هێرشان بهێت كو خەلكێ سڤیل، پێشمەرگە، ژێرخانە و نوونەرایەتییێن دیپلۆماسی كرینە ئارمانج.
ئاماژە ب هندێ ژی دا، هەرێما كوردستانێ ئامادەیە پشتەڤانییا هەموو بزاڤەكێ بۆ كێمكرنا ئالۆزی و گەهشتن ب ئاشتییەكا هەردەمی ل دەڤەرێ بكەت.
