زێدانێ راهێنه‌رێ ریال مه‌درید تووشى ڤایرۆسێ كۆرۆنایێ بوویه، د هه‌مان ده‌م دا، د یاریا ئه‌ڤ شه‌ڤه دا ژ ئه‌گه‌رێ هنگافتنێ ریال دێ ژ شیانێن شه‌ش یاریكه‌ران بێ به‌هر بیت.
رۆژناما (ماركا) یا ئیسپانى دیار كرییه، ریال مەدرید ژ بلى زێدانێ راهێنەر ئەڤ شه‌ڤه دێ بێى رامۆسى و كارڤاخالى و ڤالڤێردی و ناچۆى و رۆدریگۆى و ئۆدیگاردى ل بەرامبەر یانا ئالاڤیس یاریێ كه‌ت.
ماركا یێ ئه‌و ژى ئاشكرا كرییه، رامۆس و كارڤاخال ب تەمامى د ئامادە نینن و ڤالڤێردى ژى ل گەل ناچۆى ژنوو تووشی هنگافتنێ بووینه، د ده‌مه‌كێ دا ئۆدیگارد ژ ئالییێ راهێنەرى ڤه هاتییه دوورخستن و رۆدریگۆ د قۆناغا چارەسەركرنێ دایە.
د یارییا ئه‌ڤ شه‌ڤه دا بیتۆنێ هاریكارێ زێدانى دێ سەرپەرشتییا وێ یانێ كه‌ت و ئه‌ڤ یارییه دێ بۆ یانا شاهانه یا ب زه‌حمه‌ت بیت، هه‌روه‌سا ئه‌ڤ یارییه دێ ژ دەرڤه‌ى مەدرید هێته ئەنجامدان.
