ل ئێك ژ نەخۆشخانەیێن هەولێرێ نشتەرگەرییەك بۆ زارۆكەكێ 9 سالی هاتە كرن و 20 موگناتیسێن بچووك د عیرك و ڕیڤیكێن هاتنە دەرخستن.
د.نەجات عەبدلقادر بسپۆرێ نشتەرگەرییێن زارۆكان سەرپەرشتییا ڤێ نشتەرگەرییێ كر و د داخۆیانییێن ڕۆژنامەڤانیدا دیاركر، ئەو زارۆكە ب ڕەگەز عەرەب بوو، ئێشانەكا مەزن دزكێ ویدا هەبوو، ل دەستپێكێ وان هزركر ئاریشە ڕیڤیكا كوورەیە، لێ پشتی پشكینان دیاربوو كو نێزیكی 20 موگناتیسان دزكێ ویدانە و بووینە ئەگەرێ كولبوون و كونبوونا ڕیڤیكان.
سەبارەت ساخلەمییا وی دیاركر، نشتەرگەری ب سەركەڤتییانە هاتەكرن، نەخۆش سێ ڕۆژان ما د نەخۆشخانەیێ ڤە و پاش بۆ مالا وی هاتە ڕەوانەكرن، نوكە ڕەوشا وی یا باشە.
