نێچیرڤان بارزانی سوبەهی دێ سەرەدانا ڤاتیكانێ و ئیتالیا كەت

نێچیرڤان بارزانی، سەرۆکێ هەرێما کوردستانێ ب سەرەدانەکا فەرمی دێ گەهیتە ڤاتیکان و ل گەل پاپا لیۆیێ 14، پاپایێ ڤاتیکان و ڕێبەرێ کاسۆلیکێن جیهانێ کۆمبیت.
د. نوری عوسمان، سەرۆکێ نڤێسینگەها سەرۆکێ هەرێما کوردستانێ، ئەڤڕۆ دۆشەمبی دیار كر: “سوبەهی سێشەمبی، نێچیرڤان بارزانی، سەرۆکێ هەرێما کوردستانێ دێ ل ڤاتیکان بیت و ل گەل پاپا لیۆیێ چاردێ کۆمبیت.”
د. نوری عوسمان گۆت، سەرۆکێ هەرێما کوردستانێ دێ ل گەل هژمارەکا بەرپرسێن ئیتالیا ژی کۆمبیت.
ل دۆر ئارمانجا ڤێ سەرەدانێ، سەرۆکێ نڤێسینگەها نێچیرڤان بارزانی گۆت: سەرەدان یا فەرمییە و مەرەم پێ” پێشڤەبرنا پتر یا پەیوەندییانە.”

هەرێما کوردستانێ پەیوەندییەکا ب هێز ل گەل ڤاتیکان و ئیتالیا هەیە.